ଭୁବନେଶ୍ବର: ପୋଷ୍ଟର ଅଡୁଆ କମ ବଡୁଛି ଷ୍ଟାରଙ୍କ ବିବାଦ। କହ୍ନେୟା ପୋଷ୍ଟରକୁ ନେଇ ଏବେ ମୁହାଁମୁହିଁ ଦୂତୀ ଆଉ ପପୁ। ତେବେ ପପୁ ଦୂତୀଙ୍କୁ ଖରାପ ବ୍ୟବହାର ପ୍ରଦର୍ଶନ କରିବା ଅଭିଯୋଗ କରି ଦୂତି ଆଇନଗତ କାର୍ଯ୍ୟାନୁଷ୍ଠାନ ନେବେ ବୋଲି କହିଛନ୍ତି।
ଖବର ଅନୁଯାୟୀ, ବିବାଦୀୟ ଫିଲ୍ମ ପୋଷ୍ଟର କହ୍ନେୟାକୁ ନେଇ କମେଡି କିଙ୍ଗ ପପୁ ପମପମ ଭୁଲ ପରେ ଭୁଲ କରିଚାଲିଛନ୍ତି। ପ୍ରଥମେ ଫିଲ୍ମର ପୋଷ୍ଟରକୁ ନେଇ କିଛି ଜାଣିନାହାଁନ୍ତି ତାଙ୍କ ଅଜାଣତରେ ଏସବୁ ହୋଇଛି କହି ସଫେଇ ଦେଇଥିଲେ ପପୁ। ଏହାପରେ ଏକ ନିର୍ଦ୍ଧିଷ୍ଟ ଗଣମାଧ୍ୟମରେ ପପୁ କହିଥିଲେ ଦୌଡ଼ ରାଣୀ ଦୂତି ମୋର ଫିଲ୍ମକୁ ବିରୋଧ କରିବା ପୂର୍ବରୁ ନିଜର ବ୍ୟକ୍ତିଗତ ଜୀବନକୁ ଦେଖନ୍ତୁ।
ଏ ପରିପ୍ରେକ୍ଷୀରେ ଦୁତି ନିଜର ମତ ରଖିବା ସହ କହିଛନ୍ତି ସେ ପପୁଙ୍କୁ ବ୍ୟକ୍ତିଗତ ସ୍ତରରେ କିଛି ବିରୋଧ କରି ନାହାଁନ୍ତି। ସେ ଫିଲ୍ମର ପୋଷ୍ଟରକୁ ବିରୋଧ କରିଛନ୍ତି। ତେବେ ପପୁ କିଭଳି ଭାବରେ ସର୍ବ ସମ୍ମୁଖରେ ତାଙ୍କ ବ୍ୟକ୍ତିଗତ କଥା ଉଠାଇଛନ୍ତି । ଏହା ଉପରେ ନିହାତି ଆଇନଗତ କାର୍ଯ୍ୟାନୁଷ୍ଠାନ ନେବି ବୋଲି ଦୂତି ପ୍ରକାଶ କରିଛନ୍ତି।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
