ନୂଆଦିଲ୍ଲୀ: ସୁନା ନୁହେଁ କି ହୀରା ନୁହେଁ । ହେଲେ ଏହି ଗହଣା ଗୁଡିକ ଖୁବ ଚମକୁଛି । ଆଉ ଏହାକୁ କିଣିନେବାକୁ ଜମୁଛି ଗ୍ରାହକଙ୍କ ଭିଡ । ମହିଳାଙ୍କର ମନ ପସନ୍ଦର କାନର ସାଙ୍ଗକୁ ହାର ମଧ୍ୟ ରହିଛି । ଆଉ ଆପଣଙ୍କୁ ସୁହାଇଲା ଭଲି ଦାମ ମଧ୍ୟ ରହିଛି । 70ରୁ ଆରମ୍ଭ କରି 1500 ଟଙ୍କା ପର୍ଯ୍ୟନ୍ତର ଗହଣା ଆପଣ କିଣିପାରିବେ । ତେବେ ଏହି ଗହଣା ତିଆରି ହୋଇଛି ଧାନ, ବିଭିନ୍ନ ପ୍ରକାର ମଞ୍ଜିରୁ ।
ଡ୍ରିଲିଂ ମେସିନରେ ଗୋଟିଏ ଗୋଟିଏ ମଞ୍ଜିକୁ ଯୋଡାଯାଉଛି ସୁନ୍ଦର ସୁନ୍ଦର ଗହଣା । ସୁନା ହାର ଠାରୁ ବି ଏହାର ଚାହିଦା ଖୁବ ବେଶୀ । ଆଉ ଯୁବପିଢିଙ୍କ ଭିତରେ ଏହି ଜଙ୍ଗଲି ଜୁଏଲାରୀକୁ ନେଇ ରହିଛି ଅଧିକ ଆକର୍ଷଣ ।
ଏହି ଗହଣା ତିଆରି କରୁଛନ୍ତି ବିଭିନ୍ନ ସଙ୍ଗଠନର ମହିଳା । ନିଜ କାରିଗରୀ ବିଦ୍ୟାର ଉପଯୋଗ କରି ଛୋଟଛୋଟ ଶସ୍ୟ ଓ ମଞ୍ଜିକୁ ଦେଉଛନ୍ତି ସୁନ୍ଦର ଆକର୍ଷିତ ଗହଣାର ରୂପ । କେବଳ ଏତିକି ନୁହେଁ ମହିଳାମାନେ ବିଭିନ୍ନ ପ୍ରଦର୍ଶନୀରେ ନିଜର କଳା ଦେଖାଇବା ସହ ମହିଳାଙ୍କୁ ଯୋଗାଉଛନ୍ତି ଏହି ଇକୋ ଫ୍ରେଣ୍ଡଲୀ ଅଳଙ୍କାର ।
