ଜୟପୁର: ଯୋଧପୁର ଏମ୍ସର ବିଶେଷଜ୍ଞ ଦଳ ଦେଶରେ କୋରୋନା ବିରୋଧରେ ଲଢୁଥିବା ଯୋଦ୍ଧାଙ୍କ ପାଇଁ ଏକ ଆଶ୍ଚର୍ଯ୍ୟଜନକ ଡିଭାଇସ ଡିଜାଇନ କରିଛି । ଏହାଦ୍ବାରା କୋରୋନା ସଂକ୍ରମିତଙ୍କ ଚିକିତ୍ସା ସମୟରେ ଆଉ କୌଣସି ସ୍ୱାସ୍ଥ୍ୟ କର୍ମୀ ସଂକ୍ରମଣର ଶିକାର ହେବେ ନାହିଁ ବୋଲି ଦାବି କରାଯାଉଛି। ବିଶେଷ କଥା ହେଉଛି ଆତ୍ମନିର୍ଭର ଭାରତ ଅଭିଯାନ ଅଧୀନରେ ଏହି ଉପକରଣ ମାତ୍ର 18 ହଜାର ଟଙ୍କା ବିନିମୟରେ ପ୍ରସ୍ତୁତ ହୋଇଛି।
ସମଗ୍ର ବିଶ୍ୱରେ କୋଟିଏରୁ ଅଧିକ ପହଞ୍ଚିଛି କୋରୋନା ସଂକ୍ରମଣ ମାମଲା । ତେବେ ସଂକ୍ରମିତଙ୍କ ଚିକିତ୍ସାରେ ନିୟୋଜିତ ଶହ ଶହ ସ୍ୱାସ୍ଥ୍ୟ କର୍ମୀ ମଧ୍ୟ ଏହାର ସଂକ୍ରମଣର ଶିକାର ହେଉଛନ୍ତି। ଏସବୁ ମଧ୍ୟରେ ଯୋଧପୁର ଏମ୍ସ ଏକ ସର୍ଜିକାଲ କମ୍ପାନୀ ସହିତ ଏହି ଡିଭାଇସ ଡିଜାଇନ କରିଛି । ଇସ୍କନ ସର୍ଜିକାଲ କମ୍ପାନୀ ସହ ଏମ୍ସ ନିର୍ଦ୍ଦେଶକ ଡାକ୍ତର ସଞ୍ଜୀବ ମିଶ୍ର ଏବଂ ତାଙ୍କ ଟିମଙ୍କ ସହ ମଙ୍ଗଳବାର ଯୋଧପୁର ଏମ୍ସ ଅଡିଟୋରିୟମରେ ଏହି ଡିଭାଇଲକୁ ଲଞ୍ଚ କରିଛନ୍ତି।
ଏମ୍ସର ଡାକ୍ତର ଅମିତ ଗୋୟଲ କହିଛନ୍ତି ଯେ, ଏହି ଡିଭାଇସ ସଂକ୍ରମିତର ଟ୍ରପଲେଟ ବ୍ୟତୀତ ମୁହଁରୁ ବାହାରୁ ଥିବା ଏରୋସାଲକୁ ବାହାରିବାକୁ ଦେଇନଥାଏ। ଏହାଦ୍ବାରା ସ୍ୱାସ୍ଥ୍ୟ କର୍ମୀମାନଙ୍କୁ କୋରୋନା ସଂକ୍ରମଣ ହେବାର କୌଣସି ବିପଦ ନାହିଁ । କୋରୋନା ସଂକ୍ରମଣ ଡ୍ରପଲେଟ ଏବଂ ଏରୋସଲ ଦ୍ୱାରା ବ୍ୟାପିଥାଏ । ସି-ଟୁ ରେ ପ୍ଲାଷ୍ଟିକରେ ନିର୍ମିତ ଏହି ଡିଭାଇସ ସ୍ୱାସ୍ଥ୍ୟ କର୍ମୀଙ୍କୁ ସଂକ୍ରମିତ ହେବାରୁ ରକ୍ଷା କରିବ ।
ଏହି ଏରୋସାଲ ଡିଭାଇସରେ ସ୍ୱତନ୍ତ୍ର ସି-2 ପ୍ଲାଷ୍ଟିକ ବ୍ୟବହାର କରାଯାଇଛି । ଏହାର ଉଚ୍ଚତା ଏବଂ ମୋଟେଇ ପ୍ରାୟ ଦେଢ-ଦେଢ ଫୁଟ ରହିଛି । ଏହି ଡିଭାଇସଟି ସଂକ୍ରମିତର ମୁଣ୍ଡ, ପାଟି ଏବଂ ତଣ୍ଟି ଉପରେ ରଖାଯିବ । ସିଲିକନ ରବର ଛିଦ୍ର ସାହାଯ୍ୟରେ ଡାକ୍ତର ସଂକ୍ରମିତଙ୍କୁ ଇଣ୍ଟିବ୍ୟୁଟ ଏବଂ ସକ୍ସନ ପାଇଁ ନଳୀ ଓ ଭେଣ୍ଟିଲୱେଟର ଆଦି ଲଗେଇ ପାରିବେ । ଡିଭାଇସରେ ସିଲିକନ ଚିତ୍ର ରଖାଯାଇଛି ଯେଉଁଠାରେ ସଂକ୍ରମିତଙ୍କ ଅକ୍ସିଜେନ ଏବଂ ଭେଣ୍ଟିଲେଟର ଲଗାଇବା ପାଇଁ ଯେଉଁଠି ହାତ ଭର୍ତ୍ତି କରିବା କଥା ସେଠାରେ ଏହି ସିଲିକନ ଡାଏଗ୍ରାମ ଲଗାଯାଇଛି । ଏହା ପବନ ସହ ଏଲୋସେଲକୁ ବାହାରକୁ ଆସିବାକୁ ଦେବନାହିଁ। ଯାହା ଦ୍ବାରା ଡାକ୍ତର ଓ ସ୍ବାସ୍ଥ୍ୟକର୍ମୀଙ୍କୁ ସଂକ୍ରମଣ ହେବାର କୌଣସି ବିପଦ ନାହିଁ ।
