ନୂଆଦିଲ୍ଲୀ: ସେପ୍ଟେମ୍ବରରେ କେନ୍ଦ୍ର ସରକାରଙ୍କୁ ନିଟ ଓ ଜେଇଇର ମିଳିତ ପରୀକ୍ଷାକୁ ଅନୁମତି ଦେଇଥିବା ଆଦେଶ ବିରୋଧରେ ସୁପ୍ରିମକୋର୍ଟରେ 6 ଟି ବିରୋଧୀ ଦଳ ରାଜ୍ୟ ଏକ ସମୀକ୍ଷା ଆବେଦନ କରିଛନ୍ତି । ଏହି ରାଜ୍ୟଗୁଡିକ ହେଲେ ପଶ୍ଚିମବଙ୍ଗ, ଝାଡଖଣ୍ଡ, ମହାରାଷ୍ଟ୍ର, ଛତିଶଗଡ, ପଞ୍ଜାବ ଓ ରାଜସ୍ଥାନ । ଏହି ରାଜ୍ୟଗୁଡିକ ଅଗଷ୍ଟ 17 ଆଦେଶ ବିରୋଧରେ ସର୍ବୋଚ୍ଚ ନ୍ୟାୟାଳୟରେ ପହଞ୍ଚିଛନ୍ତି ।
ଇଞ୍ଜିନିୟରିଂ ଏବଂ ମେଡିକାଲ ପ୍ରବେଶିକା ପରୀକ୍ଷାକୁ ଅଗଷ୍ଟ 17 ରେ ସ୍ଥଗିତ ରଖିବାକୁ ଶୀର୍ଷ ଅଦାଲତ ଅନ୍ୟ ଏକ ଆବେଦନକୁ ଖାରଜ କରିଦେଇଥିଲେ । ଛାତ୍ରମାନଙ୍କର ଏକ ଗୁରୁତ୍ୱପୂର୍ଣ୍ଣ ବର୍ଷ “ନଷ୍ଟ ହୋଇପାରିବ ନାହିଁ” ଏବଂ “ଜୀବନ ଚାଲିବାକୁ ପଡିବ” ବୋଲି ସୁପ୍ରିମକୋର୍ଟ କହିଥିଲେ।
ନ୍ୟାସନାଲ ଟେଷ୍ଟିଂ ଏଜେନ୍ସି (NTA) ସେପ୍ଟେମ୍ବର 1 ରୁ 6 ପର୍ଯ୍ୟନ୍ତ JEE ଏବଂ ସେପ୍ଟେମ୍ବର 13 ରେ NEET ପରିଚାଳନା ପାଇଁ ଏକ ନିର୍ଦ୍ଦେଶନାମା ଦେଇଛି ।
କୋଭିଡ -19 ମହାମାରୀ ମଧ୍ୟରେ ଏହି ପରୀକ୍ଷା ଆୟୋଜନ ବିରୁଦ୍ଧରେ କଂଗ୍ରେସ ସଭାପତି ସୋନିଆ ଗାନ୍ଧୀ ଏବଂ ପଶ୍ଚିମବଙ୍ଗର ସିଏମ ମମତା ବାନାର୍ଜୀ ଅଗଷ୍ଟ 26 ରେ ବିରୋଧୀ ଶାସିତ ରାଜ୍ୟ ନେତାଙ୍କ ବୈଠକ ଡକାଇଥିଲେ ।
ଏହି ବୈଠକରେ ସିଏମ ମମତା ବାନାର୍ଜୀ କୋଭିଡ -19 ପରିସ୍ଥିତି ଯୋଗୁଁ ପରୀକ୍ଷା ସ୍ଥଗିତ ରଖିବାକୁ ସୁପ୍ରିମକୋର୍ଟଙ୍କ ନିକଟକୁ ପୁଣି ଥରେ ପରାମର୍ଶ ଦେଇଥିଲେ।
