ଶ୍ରୀନଗର: କେନ୍ଦ୍ର ଗୃହମନ୍ତ୍ରୀ ଅମିତ ଶାହ କିଛିଦିନ ତଳେ ରାଜ୍ୟସଭାରେ ଜମ୍ମୁ କାଶ୍ମୀର ପ୍ରସଙ୍ଗ ଉଠାଇଥିଲେ । ସେ କହିଥିଲେ ଜମ୍ମୁ କାଶ୍ମୀରରେ ବିଚ୍ଛିନ୍ନତାବାଦୀ ହଙ୍ଗାମା କରୁଥିବା ବେଳେ ସେମାନଙ୍କର ପିଲାମାନେ ବିଦେଶରେ ପାଠ ପଢୁଛନ୍ତି । ଶାହଙ୍କ ଏହି କଥା ସତ୍ୟ ପ୍ରମାଣିତ ହୋଇଛି ।
ଏକ ତଥ୍ୟ ମୁତାବକ ୧୧୨ ବିଚ୍ଛିନ୍ନତାବାଦୀଙ୍କ ପିଲାମାନେ ବିଦେଶରେ ପାଠ ପଢୁଛନ୍ତି କିମ୍ବା ସେଠାରେ ରହୁଛନ୍ତି । ଏଥିରେ ଅନେକ ହୁରିୟତ ନେତା ମଧ୍ୟ ସାମିଲ ଅଛନ୍ତି । ଗୃହ ମନ୍ତ୍ରଣାଳୟ ସୂତ୍ର ମୁତାବକ ପ୍ରାୟ ସମସ୍ତ ବଡ଼ ନେତାଙ୍କ ପରିବାରର ଯେ କୌଣସି ସଦସ୍ୟ ବିଦେଶରେ ରହୁଛନ୍ତି ।
ଏହି ବିଚ୍ଛିନ୍ନତାବାଦୀ ନେତା ସ୍କୁଲ ପିଲାଙ୍କୁ ପଥର ଫିଙ୍ଗିବା ପାଇଁ ଉସୁକାଉଛନ୍ତି ଏବଂ ବଳପୂର୍ବକ ସ୍କୁଲ ବନ୍ଦ କରୁଛନ୍ତି । ଯାହାର ପିଲାମାନେ ବିଦେଶରେ ପଢୁଛନ୍ତି କିମ୍ବା ରହୁଛନ୍ତି ସେମାନଙ୍କର ତାଲିକା ପ୍ରସ୍ତୁତ କରାଯାଇଛି । ଆସନ୍ତୁ ଜାଣିବା
1. ତେହରିକ-ଇ-ହୁରିୟତର ଚେୟାରମ୍ୟାନ ଅଶରଫ ସେହରାଇର ୨ ଟି ପିଲା ଖାଲିଦ ଓ ଆବିଦ ଅଶରଫ ସାଉଦି ଆରବରେ କାମ କରନ୍ତି ଏବଂ ସେଠାରେ ବାସ କରନ୍ତି ।
2. ଜମାତ-ଇ-ଇସଲାମୀର ସଦର ଗୁଲାମ ମହମ୍ମଦ ବଟର ପୁଅ ସାଉଦି ଆରବରେ ଡାକ୍ତର ଅଛନ୍ତି ।
3. ଦୁଖତରାମ-ଇ-ମିଲ୍ଲତର ମୁଖ୍ୟ ଆସିଆ ଅନ୍ଦ୍ରାବିର ୨ ପୁତ୍ର ଅଷ୍ଟ୍ରେଲିଆରେ ପାଠ ପଢୁଛନ୍ତି ।
4. ସୈୟଦ ଅଲୀ ଶାହା ଗିଲାନୀଙ୍କ ପୁତ୍ର ନିଲମ ଗିଲାନୀ ପାକିସ୍ତାନରେ ଏମବିବିଏସ ପଢୁଛି ।
5. ୟୁରିୟତ ନେତା ମୀରବାଇଜ ଉମର ଫାରୁକର ଭଉଣୀ ରାବିଆ ଫାରୁକ ଆମେରିକାରେ ବାସ କରୁଛି ।
6. ବିଲାଲ ଲୋନଙ୍କ ଝିଅ-ଜ୍ଵାଇଁ ବ୍ରିଟେନରେ ଅଛନ୍ତି ଏବଂ ତାଙ୍କର ଛୋଟ ଭଉଣୀ ଅଷ୍ଟ୍ରେଲିଆରେ ପଢୁଛନ୍ତି ।
ଏପରି ବହୁ ସଂଖ୍ୟକ ବିଚ୍ଛିନ୍ନତାବାଦୀଙ୍କ ପିଲାମାନେ ବିଦେଶକୁ ପଳାଇଛନ୍ତି । ସେଠାରେ କିଏ ବାସ କଲାଣି ତ ଆଉ କିଏ ରୋଜଗାର କରୁଛନ୍ତି ।
