ହାଇଦ୍ରାବାଦ: ଗତ 7 ତାରିଖ ମଧ୍ୟରାତ୍ରରେ ଜହ୍ନ ରାଇଜ ଦ୍ବାରରେ ଅଟକି ଯାଇଛି ଭାରତ । ତଥାପି ଘର ଭିତରକୁ ପ୍ରବେଶ କରିବା ପାଇଁ ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ସବୁ ଶକ୍ତି ଲଗାଇ ଦେଇଛି । ଚନ୍ଦ୍ରଯାନ-୨ର ଲ୍ୟାଣ୍ଡର ବିକ୍ରମ ଚନ୍ଦ୍ରପୃଷ୍ଠରେ ଅବତରଣ କରିବାର କିଛି ସମୟ ପୂର୍ବରୁ ଇସ୍ରୋ ସହ ସଂପର୍କ ଛିନ୍ନ କରିଛି ।
ଇସ୍ରୋର ନିର୍ଦ୍ଦେଶକ ବାରମ୍ବାର କହିଥିଲେ ଚନ୍ଦ୍ରପୃଷ୍ଠରେ ଚନ୍ଦ୍ରଯାନ-୨ ସୂକ୍ଷ୍ମ ଅବତରଣ କରିବା ଶେଷ କିଛି ମିନିଟ ହିଁ କଠିନ ସାବ୍ୟସ୍ତ ହେବ । କାରଣ ବିଶ୍ବର କିଛି ବିକଶିତ ଦେଶ ଏଯାଏଁ ଏହି ଦୁଃସାହାସ କରିବାକୁ ସମର୍ଥ ହୋଇ ନାହାଁନ୍ତି । ହେଲେ ବିଶ୍ବରେ ପ୍ରଥମ ଦେଶ ଭାବେ ଇସ୍ରୋ ଏହା କରିଦେଖାଇଲା ଯଦିଓ ଶତ ପ୍ରତିଶତ ସଫଳ ହୋଇନାହିଁ । ଯେତେବେଳେ ଚନ୍ଦ୍ରଯାନ-2 ଚନ୍ଦ୍ରପୃଷ୍ଠର ଦକ୍ଷିଣ ମେରୁରେ ସୂକ୍ଷ୍ମ ଅବତରଣ କରିବାରେ ବିଫଳ ହେଲା କିଛି ଲୋକ ଇସ୍ରୋକୁ ସମାଲୋଚନା କରିବା ଆରମ୍ଭ କଲେ । ଏପରିକି କିଛି ବିଦେଶୀ ମଧ୍ୟ ।
