ନୂଆଦିଲ୍ଲୀ: ବର୍ତ୍ତମାନର ସବୁଠାରୁ ଘାତକ ସାଇବର ଆକ୍ରମଣର ଶିକାର ହୋଇଛି ସୋସିଆଲ ମିଡିଆ ପ୍ଲାଟଫର୍ମ ଟ୍ବିଟର । ବିଟକଏନ ଆଧାରରେ ଟ୍ବିଟରରେ ହୋଇଥିବା ଏହି ଆକ୍ରମଣରେ କେଇ ଘଣ୍ଟା ମଧ୍ୟରେ ଲକ୍ଷାଧିକ ଡଲାରର ମୂଲ୍ୟ କ୍ଷତି ହୋଇଥିବା ଦେଖାଯାଇଥିଲା । ଏନେଇ ସାଇବର ସିକ୍ୟୁରିଟି ଆସୋସିଏସନ ଅଫ ଇଣ୍ଡିଆର ସାଇବର ସିକ୍ୟୁରିଟି ଏକ୍ସପର୍ଟ ତଥା ସାଧାରଣ ନିର୍ଦ୍ଦେଶକ କୋଲୋନୋଲ ଇନ୍ଦରଜିତ ସିଂ ନିଜ ପ୍ରତିକ୍ରିୟା ରଖିଛନ୍ତି ।
କୋଲୋନେଲ ଇନ୍ଦରଜିତଙ୍କ କହିବା ଅନୁଯାୟୀ ମାତ୍ର 2 ଘଣ୍ଟା ମଧ୍ୟରେ ଟ୍ବିଟରରେ ଅନେକ ବଡ ବଡ ବ୍ୟକ୍ତି ଯଥା ବିଲ୍ ଗେଟ୍ସ, ଏଲନ ମସ୍କ, ଜୋ ବିଡେନ, ବାରାକ ଓବାମା, ୱାରେନ ବୁଫେଟ, କାନ୍ୟେ ୱେଷ୍ଟ, ମାଇକେଲ ବ୍ଲୁମବର୍ଗ, ଆପଲ, ଉବର ଓ ଦେଫ ବେଜୋସଙ୍କ ସମେତ 320ରୁ ଉର୍ଦ୍ଧ୍ବ ଆକାଉଣ୍ଟ ହ୍ୟାକ ହୋଇଥିଲା । ଯେଉଁଥିରେ ବିଟକଏନର ଆଡ୍ରେସ ସହ ହ୍ୟାକ କରାଯାଇଥିବା ଦେଖାଯାଇଥିଲା । ଏଥିରେ ଦିଆଯାଇଥିବା ଅର୍ଥ ରାଶିର ଦୁଇ ଗୁଣା ଫେରସ୍ତ କରିବା ପାଇଁ ମଧ୍ୟ ଉଲ୍ଲେଖ ରହିଥିଲା । ଯାହା ସାଇବର କ୍ରିପ୍ଟୋକରେନ୍ସି ସ୍କାମକୁ ପ୍ରୋତ୍ସାହିତ କରିଥିବା ଦେଖାଯାଇଥିଲା ।
ତେବେ ଏହି ସମ୍ପୂର୍ଣ୍ଣ ସ୍କାମରେ 367 ୟୁଜର୍ସଙ୍କ ଆକାଉଣ୍ଟ ହ୍ୟାକ ହୋଇ ପ୍ରାୟ 90 ଲକ୍ଷ ଟଙ୍କା ହଡପ ହୋଇଥିବା ଜଣାପଡିଛି । ଏନେଇ କୋଲୋନେଲ ଇନ୍ଦରଜିତଙ୍କ କହିବା ଅନୁଯାୟୀ ବିଟକଏନର ଆଡ୍ରେସକୁ ନେଇ 69ଟି ଅଭିଯୋଗ ଦାଖଲ ହୋଇଥିବା ବେଳେ ତଦନ୍ତ ଜାରି ରହିଛି । ଏହି ହ୍ୟାକିଂ ପ୍ରକ୍ରିୟାରେ ମୁଖ୍ୟତଃ ବଡ ବଡ ଓ ପ୍ରଭାବଶାଳୀ ବ୍ୟକ୍ତିତ୍ବଙ୍କ ଆକାଉଣ୍ଟ ବ୍ୟବହାର ହ୍ୟାକିଂକୁ ଅଧିକ ଜଟିଳ ଭରସାଯୋଗ୍ୟ କରିଥିଲା । ଏହା ଟ୍ବିଟର ଇତିହାସର ସବୁଠାରୁ ଘାତକ ଆକ୍ରମଣ ।
ଏହି ଆକ୍ରମଣକୁ ସ୍ବୀକାର କରିବା ସହ ଏହାକୁ ଏକ ସମନ୍ବିତ ସୋସିଆଲ ଇଞ୍ଜିନିୟରିଂ ଆକ୍ରମଣ ବୋଲି ପ୍ରକାଶ କରିଛି । ଏଥିରେ ହ୍ୟାକର କମ୍ପାନୀର କିଛି କର୍ମଚାରୀଙ୍କ ଜରିଆରେ ଅନ୍ତରୀଣ ଟୁଲକୁ ଆକ୍ସେସ କରିବାରେ ସଫଳ ହୋଇଥିଲା । ତେବେ ଏହି ଆକ୍ରମଣରେ ପ୍ରାୟ 120,000 ଡଲାରର ବିଟକଏନ ବ୍ୟବହୃତ ହୋଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
