ନୂଆଦିଲ୍ଲୀ: ଗତ କିଛି ଦିନ ଧରି ଲଗାତାର ଦେଶରେ 90 ହଜାରରୁ ଉର୍ଦ୍ଧ୍ବ ସଂଖ୍ୟାରେ କୋରୋନା ସଂକ୍ରମଣ ରିପୋର୍ଟ ହେଉଥିବାବେଳେ, ସେପ୍ଟେମ୍ବର 14 ତାରିଖ ଦିନ ଏହି ସଂଖ୍ୟାରେ ଆଶିଂକ ହ୍ରାସ ପାଇ 83 ହଜାରରେ ପହଞ୍ଚିଛି । ଯାହାକୁ ମିଶାଇ ମୋଟ 49 ଲକ୍ଷ ପାର କରିଛି ଏହି ସଂକ୍ରମଣ ।
କେନ୍ଦ୍ର ସ୍ବାସ୍ଥ୍ଯ ଓ ପରିବାର କଲ୍ୟାଣ ମନ୍ତ୍ରାଳୟର ସଦ୍ୟତମ ସୂଚନା ମୁତାବକ, ଦେଶରେ ଗତ 24 ଘଣ୍ଟାରେ 83 ହଜାର 809 ଜଣ କୋଭିଡ ସଂକ୍ରମଣ ହୋଇଥିବାବେଳେ, ଏଥିରେ 1,054 ଜଣ ସଂକ୍ରମିତଙ୍କର ମୃତ୍ୟୁ ଘଟିଛି । ଯାହାକୁ ମିଶାଇ 49 ଲକ୍ଷ 30 ହଜାର 237ରେ ପହଞ୍ଚିଛି ଏହି ସଂକ୍ରମଣ ସଂଖ୍ୟା ।
ସେହିପରି ମୋଟ ଆକ୍ରାନ୍ତଙ୍କ ମଧ୍ୟରୁ 80 ହଜାର 776 ଜଣଙ୍କର ମୃତ୍ୟୁ ହୋଇଥିବାବେଳେ, 38 ଲକ୍ଷ 59 ହଜାର 400 ଜଣ ସୁସ୍ଥ ହୋଇଛନ୍ତି । ବର୍ତ୍ତମାନ ସର୍ବମୋଟ 9 ଲକ୍ଷ 90 ହଜାର 61 ଜଣ ଚିକିତ୍ସାଧୀନ ଅଛନ୍ତି ।
