ନୂଆଦିଲ୍ଲୀ: କୋରୋନା ମାମଲା ଦିନକୁ ଦିନ ବଢିଚାଲିଛି। ଏହା ଭିତରେ ଟେଷ୍ଟିଂରେ ରେକର୍ଡ କରି ଚାଲିଛି ଭାରତ। ଗୋଟିଏ ଦିନରେ 6 ଲକ୍ଷ 61ହଜାର 715 ଟେଷ୍ଟ କରି ଏକ ଦିନିଆ ନୂଆ ରେକର୍ଡ ସୃଷ୍ଟି କରିଛି। ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି।
କୋରୋନା ସହ ଲଢେଇରେ ଭାରତ ଆଉ ଏକ ମାଇଲ ଖୁଣ୍ଟ ସ୍ଥାପନ କରିଛି। ସାରା ଦେଶରେ କୋଭିଡ୍ 19 ପାଇଁ ମୋଟ 2,08,64,206 ନମୁନା ପରୀକ୍ଷା କରାଯାଇଛି ବୋଲି ମଙ୍ଗଳବାର ଦିନ ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି। ମନ୍ତ୍ରଣାଳୟ ଟୁଇଟ୍ କରି କହିଛନ୍ତି, ‘ଅଧିକରୁ ଅଧିକ କୋରୋନା ଟେଷ୍ଟିଂ ଉପରେ ଗୁରୁତ୍ୱ ଦେବା ଜାରି ରଖିଛି।’
ସୋମବାର ଭାରତରେ 52,972 ପଜିଟିଭ୍ ମାମଲା ରିପୋର୍ଟ ହୋଇଥିବା ବେଳେ ଦେଶରେ କୋଭିଡ୍ 19 ଗଣନା 18 ଲକ୍ଷ ମାର୍କକୁ ଅତିକ୍ରମ କରିଥିବା ସ୍ବାସ୍ଥ୍ୟ ମନ୍ତ୍ରଣାଳୟ ପ୍ରକାଶ କରିଛି।
