ନୂଆଦିଲ୍ଲୀ: କୁଳଭୂଷଣଙ୍କୁ ନେଇ ଅନ୍ତର୍ଜାତୀୟ ନ୍ୟାୟାଳୟ (ଆଇସିଜେ) ବୁଧବାର ଫୈସଲା ଶୁଣାଇବା ପରେ ବିଭିନ୍ନ ଦିଗରୁ ପ୍ରତିକ୍ରିୟା ଆସୁଛି । ଏଣିକି ପାକିସ୍ତାନ ଭାରତୀୟ ନାଗରିକ କୁଳଭୂଷଣ ଯାଦବଙ୍କୁ ଫାସି ଦଣ୍ଡ ଦେଇ ପାରିବ ନାହିଁ ।
ତେବେ ଆଇସିଜିରେ ଭାରତର ପକ୍ଷ ରଖିଥିବା ଓକିଲ ହରିଶ ସାଲଭେ କୋର୍ଟଙ୍କ ରାୟ ପରେ ଗଣମାଧ୍ୟମ ସାମ୍ନାରେ କହିଛନ୍ତି, ଆଇସିଜେ ରାୟ ଶୁଣାଇଛି ଯେ ପାକିସ୍ତାନ ଭିଏନା ଚୁକ୍ତି ଉଲ୍ଲଙ୍ଘନ କରିଛି । ପାକିସ୍ତାନ କନସୁଲାର ଆକସେସ ଦେଇନାହିଁ । ତେଣୁ ଆଇସିଜେରେ ପାକିସ୍ତାନର ପରାଜୟ ହୋଇଛି ।
ଲଣ୍ଡନରେ ଆୟୋଜିତ ପ୍ରେସ କନଫ୍ରେନ୍ସରେ ଓକିଲ ହରୀଶ ସାଲଭେ କହିଛନ୍ତି, ଆଇସିଜେ ଉକ୍ତ ମାମଲାର ହସ୍ତକ୍ଷେପ କରିଛନ୍ତି । ତେଣୁ ତାଙ୍କୁ ଆମେ ଆମ ଦେଶ ପକ୍ଷରୁ କୃତଜ୍ଞତା ଜଣାଉଛୁ । କିଛିଦିନ ମଧ୍ୟରେ ଏହି ମାମଲାର ଶୁଣାଣି ଖୁବଶୀଘ୍ର ସମ୍ପୂର୍ଣ୍ଣ ହୋଇଛି । ଏହି ଫଇସଲାରେ କୂଳଭୂଷଣ ଫାସିରୁ ବଞ୍ଚିତ ହେଲେ । ପାକିସ୍ତାନ ସର୍ବଦା ଏହି ମାମଲା ଲଢିବା ବେଳେ କୁଳଭୂଷଣଙ୍କଠାରୁ ଆଦାୟ କରିଥିବା କଥିତ ପାସପୋର୍ଟକୁ ନେଇ ଖେଳିବାକୁ ଚେଷ୍ଟା କରିଥିଲା । ତେବେ ପାକିସ୍ତାନ କୁଳଭୂଷଣଙ୍କ ପାସପୋର୍ଟ ଦେଖାଇବା ବଦଳରେ ପାକିସ୍ତାନ ନିଜର ନାଗରିକତା ପ୍ରସଙ୍ଗକୁ ଉଠାଇଥିଲା । ଯାହାକୁ ଖାରଜ କରିଥିଲେ ଆଇସିଜେ ।
