ନୂଆଦିଲ୍ଲୀ: ଦେଶରେ ବଢୁଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏହାକୁ ଦୃଷ୍ଟିରେ ରଖି ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଥିବା ବେଳେ ଭାରତୀୟ ରେଳବାଇ ମଧ୍ୟ ଏନେଇ ତତ୍ପର ହୋଇଉଠିଛି ।
ରେଳ ବିଭାଗ ବର୍ତ୍ତମାନ ସୁଦ୍ଧା 2500 କୋଚ୍ରେ 40,000 ଆଇସୋଲେନସ ବେଡ୍ ପ୍ରସ୍ତୁତ କରି ସାରିଛି । ପ୍ରତିଦିନ ବିଭାଗ 375ଟି ଆଇସୋଲେସନ ବେଡ ତିଆରି କରୁଛନ୍ତି । ଏହି କାର୍ଯ୍ୟ ଦେଶର 133ଟି ସ୍ଥାନରେ ଚାଲିଛି । ମଙ୍ଗଳବାର ସ୍ବାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ ଅଗ୍ରୱାଲ ଏନେଇ ସୂଚନା ଦେଇଛନ୍ତି ।
ସେ ଏହା ମଧ୍ୟ କହିଛନ୍ତି ଯେ, ନିକଟରେ ହୋଇଥିବା ଆଇଏମସିଆର ଏକ ଅଧ୍ୟୟନରୁ ଜଣାପଡିଛି ଯଦି ଜଣେ ବି କୋରୋନା ଆକ୍ରାନ୍ତ ଲକଡାଉନ ନିର୍ଦ୍ଦେଶକୁ ପାଳନ ନ କରନ୍ତି କିମ୍ବା ସାମାଜିକ ଦୂରତ୍ବ ଅଭ୍ୟାସ ନ ରଖନ୍ତି, ତେବେ ଆକ୍ରାନ୍ତ ଜଣକ 30 ଦିନରେ 406 ଜଣଙ୍କୁ ସଂକ୍ରମିତ କରିପାରନ୍ତି ।
ପ୍ରକାଶଯୋଗ୍ୟ, ବର୍ତ୍ତମାନ ଭାରତରେ କୋରାନା ଆକ୍ରାନ୍ତଙ୍କ ସଂଖ୍ୟା 4,421 ଟପିଥିବା ବେଳେ ମୃତ୍ୟୁ ସଂଖ୍ୟା 114ରେ ପହଞ୍ଚିଛି ।
ସୌଜନ୍ୟ@ANI
