ନୂଆଦିଲ୍ଲୀ: ଲକ ଡାଉନ 2.0 ଘୋଷଣା ପରେ ରେଳ ସେବା ବି ଠପ ହୋଇପଡିଛି । ମେ 3 ଯାଏ କୌଣସି ଯାତ୍ରୀବାହୀ ଟ୍ରେନ ଚଳାଚଳ କରିବ ନାହିଁ । ଏପ୍ରିଲ 20 ଯାଏଁ କଟକଣା କୋହଳ ସତ୍ତ୍ବେ ଯାତ୍ରୀବାହୀ ଟ୍ରେନ ସେବା ବାତିଲ କରାଯାଇଛି ବୋଲି ରେଳ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ଏହି କଟକଣା ଏପ୍ରିଲ 14 ମଧ୍ୟରାତ୍ରୀରୁ ମେ 3 ମଧ୍ୟରାତ୍ରୀ ପର୍ଯ୍ୟନ୍ତ ଲାଗୁ ହୋଇଛି । କିନ୍ତୁ ମାଲ ପରିବହନ ଟ୍ରେନ ଗୁଡିକ ଚଳାଚଳ କରିବ । ମେ 3 ତାରିଖ ରେଳ ଷ୍ଟେସନ କିମ୍ବା ବାହାରେ ସଂରକ୍ଷିତ ଓ ଅସଂରକ୍ଷିତ ଯାତ୍ରା ପାଇଁ ଟ୍ରେନ୍ ଟିକେଟ୍ ବୁକିଂ କାଉଣ୍ଟର ବନ୍ଦ ରହିବ ବୋଲି ରେଳବାଇ ପକ୍ଷରୁ ସ୍ପଷ୍ଟ କରାଯାଇଛି ।
ଅନ୍ୟପଟେ, ବିମାନ ଚଳାଚଳ ମଧ୍ୟ ଆସନ୍ତା 3 ତାରିଖ ପର୍ଯ୍ୟନ୍ତ ବନ୍ଦ ରହିବ । ସମସ୍ତ ଜାତୀୟ ଓ ଅନ୍ତର୍ଜାତୀୟ ବିମାନ ଉଡାଣ ବାତିଲ କରାଯାଇଛି ।
