ନୂଆଦିଲ୍ଲୀ: ଭାରତୀୟ ରେଳ ବିଭାଗ 57 ଲକ୍ଷରୁ ଊର୍ଦ୍ଧ୍ବ ପ୍ରବାସୀଙ୍କୁ ସେମାନଙ୍କ ଘରକୁ ପହଞ୍ଚାଇଥିବା ଦାବି କରିଛି । ଏଥିସହ ସେ କହିଛନ୍ତି ଏଥିପାଇଁ ମେ 1ରୁ 4155 ଶ୍ରମିକ ସ୍ପେଶାଲ ଟ୍ରେନ୍ ଚଳାଚଳ କରିଛି। ରେଲୱେ ଅନୁଯାୟୀ ଗୁଜୁରାଟରୁ ସର୍ବାଧିକ ଟ୍ରେନ୍ ଛଡା ଯାଇଥିଲା । ଏହାପରେ ମହାରାଷ୍ଟ୍ର, ପଞ୍ଜାବ, ବିହାର ଏବଂ ଉତ୍ତରପ୍ରଦେଶରୁ ଟ୍ରେନ୍ ଚାଲିଥିଲା।
ଗୁଜୁରାଟରୁ 1027, ମହାରାଷ୍ଟ୍ରରୁ 802, ପଞ୍ଜାବରୁ 416, ବିହାରରୁ 294 ଏବଂ ଉତ୍ତରପ୍ରଦେଶରୁ 288 ଟ୍ରେନ୍ ଚାଲିଛି | ଏହାଛଡା ପାଞ୍ଚଟି ରାଜ୍ୟ କିମ୍ବା କେନ୍ଦ୍ର ଶାସିତ ଅଞ୍ଚଳରୁ ଟ୍ରେନ୍ ମଧ୍ୟ ଚଳାଚଳ କରିଥିଲା। ଭିନ୍ନ ଭିନ୍ନ ରାଜ୍ୟରୁ ଛାଡିଥିବା ଟ୍ରେନର ଗନ୍ତବ୍ୟସ୍ଥଳରେ ବିଭିନ୍ନ ରାଜ୍ୟ ଥିଲା ।
ଉତ୍ତରପ୍ରଦେଶରେ 1670 ଟ୍ରେନ୍, ବିହାରରେ 1482 ଟ୍ରେନ୍, ଝାଡଖଣ୍ଡରେ 194 ଟ୍ରେନ୍, ଓଡିଶାରେ 180 ଟ୍ରେନ୍ ଏବଂ ପଶ୍ଚିମବଙ୍ଗରେ 135 ଟ୍ରେନ୍ ପହଞ୍ଚିଛି । ମନ୍ତ୍ରଣାଳୟ ନିଜ ବିବୃତ୍ତିରେ କହିଛି ଯେ, ବର୍ତ୍ତମାନ ଚାଲୁଥିବା ଟ୍ରେନ୍ ଗୁଡିକ କୌଣସି ଭିଡ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେଉନାହିଁ।
ଶ୍ରମିକ ସ୍ୱତନ୍ତ୍ର ଟ୍ରେନ୍ ବ୍ୟତୀତ ରେଲୱେ ମଧ୍ୟ 15 ଯୋଡୀ ରାଜଧାନୀ ସ୍ୱତନ୍ତ୍ର ଟ୍ରେନ୍ ଚଳାଉଛି । ଜୁନ 1ରୁ ଟାଇମ୍ ଟେବୁଲ୍ ଅନୁଯାୟୀ 200 ଟ୍ରେନ୍ ଚଳାଚଳ ଆରମ୍ଭ କରିଛି ।
ପ୍ରକାଶ ଥାଉକି, ରାଜ୍ୟଗୁଡିକର ଅନୁରୋଧ କ୍ରମେ ଶ୍ରମିକ ସ୍ପେଶାଲ ଟ୍ରେନ ଚଳାଚଳ କରୁଛି ।
