ନୂଆଦିଲ୍ଲୀ: ଦେଶବ୍ୟାପୀ ‘ଜନତା କର୍ଫ୍ୟୁ’କୁ ନେଇ ଭାରତୀୟ ମେଡିକାଲ୍ ଆସୋସିଏସନ୍ (ଆଇଏମ୍ଏ) ରବିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଚିଠି ଲେଖି କୃତଜ୍ଞତା ଜଣାଇଛନ୍ତି । ଜରୁରୀ ସେବାରେ ନିୟୋଜିତ ବ୍ୟକ୍ତିଙ୍କୁ ଧନ୍ୟବାଦ ଜଣାଇବା ପାଇଁ ଦେଶବାସୀଙ୍କୁ ତାଳି, ଥାଳି, ଘଣ୍ଟଘଣ୍ଟା ବଜାଇବା ପାଇଁ ଆହ୍ବାନ କରିଥିଲେ ମୋଦି ।
ଇଣ୍ଡିଆନ୍ ମେଡିକାଲ୍ ଆସୋସିଏସନ୍ ସମସ୍ତ ସଦସ୍ୟଙ୍କ ତରଫରୁ ଦେଶର ଡାକ୍ତର, ନର୍ସ ଏବଂ ସ୍ବାସ୍ଥ୍ୟସେବା କର୍ମଚାରୀଙ୍କ ପ୍ରତି କୃତଜ୍ଞତା ଜଣାଇବା ପାଇଁ ଉତ୍ସାହିତ କରି ମୋଦିଙ୍କ ଆହ୍ବାନକୁ ପ୍ରଶଂସା କରିଛନ୍ତି ବୋଲି ଚିଠିରେ ଉଲ୍ଲେଖ କରିଛନ୍ତି ।
ଏହାସହ ସରକାରଙ୍କ ସହ ମିଶି କୋରୋନା ସଂଗ୍ରାମରେ ଲଢିବା ପାଇଁ ଆମେ ପ୍ରତିଶୃତିବଦ୍ଧ ବୋଲି ଚିଠିରେ ଉଲ୍ଲେଖ କରିଛି ଆଇଏମଏ ।
ଏହି ଚିଠିରେ ରାଷ୍ଟ୍ରୀୟ ସଭାପତି ଡା.ରାଜନ ଶର୍ମା ଏବଂ ଆଇଏମଏର ହୋନି ସେକ୍ରେଟେରୀ ଜେନେରାଲ ଡା. ଆର.ଭି. ଆସୋକାନ ଦସ୍ତଖତ କରିଛନ୍ତି ।
ମାର୍ଚ୍ଚ 19 ରେ ପ୍ରଧାନମନ୍ତ୍ରୀ ମୋଦୀ ଦେଶକୁ ସମ୍ବୋଧିତ କରି କୋରୋନାଭାଇରସ ମହାମାରୀ ବିରୋଧରେ ଲଢେରେ ସହାୟତା, ସହଯୋଗ ଲୋଡିଥିଲେ।
ମାର୍ଚ୍ଚ 22 ରେ ସକାଳ 7 ଟାରୁ 9 ଟା ପର୍ଯ୍ୟନ୍ତ ‘ଜନତା କର୍ଫ୍ୟୁ’ ଅନୁସରଣ କରିବାକୁ ସେ ନାଗରିକମାନଙ୍କୁ ଅନୁରୋଧ କରିଥିଲେ। ଆମକୁ COVID-19 ରୁ ସୁରକ୍ଷିତ ରଖିବା ପାଇଁ ସମସ୍ତ ସମ୍ଭାବ୍ୟ ଅବଦାନ ଏବଂ ବଳିଦାନରେ କରିଥିବା ଡାକ୍ତରୀ ବୃତ୍ତିଗତଙ୍କ ଅକ୍ଲାନ୍ତ ପ୍ରୟାସକୁ ସ୍ବୀକାର କରିବାକୁ ଏବଂ ପ୍ରଶଂସା କରିବାକୁ ସେ ଲୋକଙ୍କୁ କହିଥିଲେ ।
