ୱାଶିଂଟନ: ଆମେରିକାର ରାଜଧାନୀ ୱାଶିଂଟନ ଏବଂ ଏହାର ଆଖପାଖରେ ଭାରତୀୟ-ଆମେରିକୀୟ ଡାକ୍ତରମାନେ ପ୍ରତିଷ୍ଠିତ ଗୁରୁଦ୍ୱାର ସହ ମିଶି କୋରୋନା ଭାଇରସ ଦ୍ବାରା ପ୍ରଭାବିତଙ୍କୁ ଖାଦ୍ୟ ଯୋଗାଇବା ଅଭିଯାନ ଆରମ୍ଭ କରିଛନ୍ତି।
'ଦ ଗ୍ରେଟର ୱାଶିଂଟନ ଆସୋସିଏସନ ଅଫ ଫିଜିସିଆନ୍ସ ଅଫ ଇଣ୍ଡିଆନ ଅରିଜିନ' ଏବଂ ପ୍ରତିଷ୍ଠିତ ମେରିଲ୍ୟାଣ୍ଡ ଗୁରୁଦ୍ୱାର 'ଗୁରୁ ନାନକ ଫାଉଣ୍ଡେସନ ଅଫ ଆମେରିକାର' ସପ୍ତାହ ଶେଷରେ ସେମାନଙ୍କର ପ୍ରଥମ ଅଭିଯାନ କରିଥିଲେ। ଯେଉଁଥିରେ କୋଭିଡ-19 ମହାମାରୀ ଦ୍ୱାରା ପ୍ରଭାବିତ 350ରୁ ଅଧିକ ପରିବାରକୁ ଖାଦ୍ୟ ଯୋଗାଇ ଦିଆଯାଇଥିଲା।
ବୁଧବାର ଏକ ଗଣମାଧ୍ୟମରେ ପ୍ରକାଶ ପାଇଛି ଯେ, କୋଭିଡ-19 ର ଏହି ସଙ୍କଟ ସମୟରେ ଯେତେବେଳେ ଲକ୍ଷ ଲକ୍ଷ ଆମେରିକୀୟ ଚାକିରି ହରାଇଛନ୍ତି । ଏହି ସମୟରେ ଅନେକ ଭାରତୀୟ-ଆମେରିକୀୟ ଅନୁଷ୍ଠାନ ଏକତ୍ରିତ ହୋଇ ବିଦ୍ୟାଳୟ, କମ୍ୟୁନିଟି କଲେଜ, ମନ୍ଦିର ଏବଂ ଗୁରୁଦ୍ୱାରରେ ଖାଦ୍ୟ ଯୋଗାଇବା ପାଇଁ ଅନେକ ଅଭିଯାନ ଆରମ୍ଭ କରିଛି । ଯେଉଁଥିପାଇଁ, ପାଣ୍ଠି ସଂଗ୍ରହ କରି ଅଦ୍ଭୁତପୂର୍ବ ଏକତାର ପ୍ରଦର୍ଶନ କରିଛି ।
ଏହି ଆସୋସିଏସନ ଏବଂ ଗୁରୁଦ୍ୱାରର ଅନେକ ଭାରତୀୟ-ଆମେରିକୀୟ ସଂଗଠନର ସମର୍ଥନ ରହିଛି । ଆସୋସିଏସନ ଶହ ଶହ ରୋଗୀଙ୍କ ସହାୟତା ମଧ୍ୟ ନେଇଛି, ଯେଉଁମାନେ କୋଭିଡ-19 କାରଣରୁ ଭାରତ ଫେରିପାରି ନାହାନ୍ତି, ଏବଂ ଔଷଧ କିଣିବାକୁ ସକ୍ଷମ ନୁହଁନ୍ତି।
