ନୂଆଦିଲ୍ଲୀ: କୋଟାକ୍ ମହିନ୍ଦ୍ରା ବ୍ୟାଙ୍କର ପରିଚାଳନା ନିର୍ଦ୍ଦେଶକ ଉଦୟ କୋଟାକ୍ କହିଛନ୍ତି ଯେ ଯଦି ଚୀନ୍ ବିଶ୍ବର କାରଖାନା ପାଲଟିଛି, ତେବେ ଆମେ ଭାରତକୁ ବିଶ୍ବର କାର୍ଯ୍ୟାଳୟ କରିପାରିବୁ। ସେ କହିଛନ୍ତି ଯେ କମ୍ ମୂଲ୍ୟରେ ଭାରତର ସମସ୍ତ କ୍ଷେତ୍ରରେ ସର୍ବୋତ୍ତମ ବୃତ୍ତିଗତମାନେ ଉପଲବ୍ଧ, ତେଣୁ ବିଶ୍ବର କାର୍ଯ୍ୟାଳୟ ହେବାର ଭାରତର ସାମର୍ଥ୍ୟ ରହିଛି।
ଗୁଗୁଲ ଆମେରିକୀୟ ଇଞ୍ଜିନିୟର ମାନଙ୍କୁ ଘରୁ କାମ କରିବା ପାଇଁ 2 ମିଲିୟନ୍ ଡଲାର୍ କାହିଁକି ଦେବ, ଯେତେବେଳେ ଭାରତରେ ଏହି କାମ ପାଇଁ ଲୋକଙ୍କୁ କମ୍ ଦାମ୍ ଦେବାକୁ ପଡିବ । ଫାଇନାନ୍ସ ଆନାଲିଷ୍ଟ, ମାର୍କେଟିଂ, ଆର୍କିଟେକ୍ଟ ଇତ୍ୟାଦି ପାଇଁ ମଧ୍ୟ ସମାନ । ନୂତନ ଜଗତ ନୂତନ ସୁଯୋଗ ସୃଷ୍ଟି କରେ ବୋଲି ସେ ଟ୍ବିଟ କରିଛନ୍ତି ।
ପ୍ରକାଶଥାଉକି, ଆଲୋଚନା ହେଉଛି ଯେ କୋରୋନା ସଙ୍କଟ ପରେ ସମଗ୍ର ବିଶ୍ବରେ କମ୍ପାନୀମାନେ ସେମାନଙ୍କର ଉତ୍ପାଦନ ଆଧାରକୁ ଚୀନରୁ ସ୍ଥାନାନ୍ତର କରିବେ ଏବଂ ଭାରତ ସମେତ ଏସିଆର ଅନ୍ୟ ଦେଶକୁ ଉପସ୍ଥାପିତ କରିବେ। ବ୍ଲୁମବର୍ଗର ନିକଟରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଭାରତ ଏକ ଲ୍ୟାଣ୍ଡପୁଲ ତିଆରି କରିବାକୁ ପ୍ରସ୍ତୁତ ହେଉଛି ଯାହା ଲକ୍ସେମବର୍ଗ ପରି ଦେଶ ତୁଳନାରେ 2 ଗୁଣ ବଡ ହେବ ।
ରିପୋର୍ଟ ଅନୁଯାୟୀ, ଭାରତ ସରକାର ଏଥିପାଇଁ ପ୍ରାୟ 4.61 ଲକ୍ଷ ହେକ୍ଟର ଜମି ଚିହ୍ନଟ କରିଛନ୍ତି। ଏଥିରେ ଗୁଜୁରାଟ, ମହାରାଷ୍ଟ୍ର, ତାମିଲନାଡୁ ଓ ଆନ୍ଧ୍ରପ୍ରଦେଶର ପ୍ରାୟ 1.15 ଲକ୍ଷ ହେକ୍ଟର ଜମି ରହିଛି। ଉଲ୍ଲେଖନୀୟ କଥା ହେଉଛି, ଲକ୍ସେମବର୍ଗ ୟୁରୋପର ଏକ ଦେଶ ଓ ଏହି ସମଗ୍ର ଦେଶର କ୍ଷେତ୍ର ମାତ୍ର 2.43 ଲକ୍ଷ ହେକ୍ଟର । ପୂର୍ବରୁ ଏକ ରିପୋର୍ଟ ଆସିଥିଲା ଯେ କୋରୋନା ସଙ୍କଟ ଯୋଗୁଁ ଆମେରିକାର ଟେକ୍ କମ୍ପାନୀ ଆପଲ୍ ଏହାର ଉତ୍ପାଦନର ପ୍ରାୟ 20 ପ୍ରତିଶତ ଚୀନରୁ ଭାରତକୁ ସ୍ଥାନାନ୍ତର କରିବାକୁ ପ୍ରସ୍ତୁତ ହେଉଛି।
