ନୂଆଦିଲ୍ଲୀ: ଆତଙ୍କବାଦ ସାରା ବିଶ୍ବ ପାଇଁ ଚିନ୍ତାଜନକ ବିଷୟ ହୋଇଥିବା ବେଳେ ଆତଙ୍କବାଦୀ ବିରୋଧରେ ଏକାଠି ଲଢିବେ ଭାରତ ଓ ଅଷ୍ଟ୍ରେଲିଆ । ଦୁଇ ଦେଶ ମଧ୍ୟରେ ହୋଇଥିବା ଟୁ ପ୍ଲସ ଟୁ ବୈଠକରେ ଏହି ନିଷ୍ପତ୍ତି ନିଆଯାଇଛି ।
ସାରା ବିଶ୍ବ ପାଇଁ ଏବେ ମୁଖ୍ୟ ଚ୍ୟାଲେଞ୍ଜର ବିଷୟ ହୋଇଛି ଆତଙ୍କବାଦ । ଉଭୟ ରାଷ୍ଟ୍ର ଏହା ବିରୋଧରେ ମିଶିକି ଲଢିବାକୁ ପ୍ରତିଶୃତିବଦ୍ଧ ହୋଇଛନ୍ତି । ଏହି ବୈଠକରେ ଦୁଇ ରାଷ୍ଟ୍ରର ପ୍ରତିରକ୍ଷା ସଚିବ ଯୋଗ ଦେଇ ଦ୍ବିପାକ୍ଷିକ ଆଲୋଚନା କରିଥିଲେ । ଉକ୍ତ ବୈଠକରେ ଭାରତ-ପ୍ରଶାନ୍ତ କ୍ଷେତ୍ରରେ ଶାନ୍ତି, ସମୃଦ୍ଧି ଓ ବିକାଶ ସମ୍ପର୍କରେ ବିଚାର ବିମର୍ଷ କରାଯାଇଥିଲା । ଏଥିସହ ଆତଙ୍କବାଦୀ, ଚରମପନ୍ଥୀ ଓ ହିଂସାତ୍ମକ କାର୍ଯ୍ୟକଳାପକୁ ରୋକିବା ପାଇଁ ଉଭୟ ରାଷ୍ଟ୍ର ପରସ୍ପରକୁ ସାହାଯ୍ୟ ସହଯୋଗ କରିବା ଉପରେ ମଧ୍ୟ ଜୋରଦାର ଆଲୋଚନା ହୋଇଥିଲା ।