ନୂଆଦିଲ୍ଲୀ: ଲୋକସଭା ନିର୍ବାଚନ ୨୦୧୯ ଫଳାଫଳ ଅପେକ୍ଷାରେ ଦେଶବାସୀ । ଆଉ ଏହି ଅପେକ୍ଷାର ଅନ୍ତ ମେ 23 ରେ ହେବ । ଏହି ଦିନ ଭୋଟ ଗଣତି ସହ ନୂଆ ସରକାରକୁ ନେଇ ଚିତ୍ର ସ୍ପଷ୍ଟ ହୋଇଯିବ । କିନ୍ତୁ ଭୋଟ ଗଣତି ଦିନରେ ଅନ୍ତିମ ଫଳାଫଳ ଆସିବାରେ ହେବ ବିଲମ୍ବ । ଯାହାର ସୂଚନା ଦେଇଛି ନିର୍ବାଚନ ଆୟୋଗ । ଏହାର ମୁଖ୍ୟ କାରଣ ଇଭିଏମ ଭୋଟ ସହ ଭିଭିପ୍ୟାଟର ତୁଳନାତ୍ମକ ନିରୀକ୍ଷଣ କରାଯିବ । ଯେଉଁଥିପାଇଁ ଅଧିକ ସମୟ ଲାଗିବ ।
ଉପନିର୍ବାଚନ କମିଶନର ସୁଦୀପ ଜୈନ କହିଛନ୍ତି ଯେ ଏଥର ନିର୍ବାଚନର ଫଳାଫଳ ଆସିବାରେ କିଛି ସମୟର ବିଳମ୍ବ ହୋଇପାରେ । ଫଳାଫଳ ଆସିବାକୁ ପ୍ରାୟ ୪-୫ ଘଣ୍ଟା ବିଳମ୍ବ ହେବ । ଚଳିତ ଲୋକସଭା ନିର୍ବାଚନରେ ଇଭିଏମ ସହ ଭିଭିପ୍ୟାଟ ମେସିନର ବ୍ୟବହାର କରାଯାଉଛି । ଭିଭିପ୍ୟାଟରୁ ଚିରକୁଟ ବାହାରି ଥାଏ । ଭୋଟ ଗଣତି ବେଳେ ଇଭିଏମ ଭୋଟ ସହ ୫୦ ପ୍ରତିଶତ ଚିରକୁଟର ତୁଳନାତ୍ମକ ନିରୀକ୍ଷଣ କରାଯିବ ।
