ନୂଆଦିଲ୍ଲୀ: ଉଦଘାଟିତ ହୋଇଛି ବହୁ ପ୍ରତୀକ୍ଷିତ କରତାରପୁର କରିଡର । ଏହି ଅବସରରେ ପାକିସ୍ତାନ ପିଏମଙ୍କୁ ଇମରାନ ଖାନଙ୍କୁ ଧନ୍ୟବାଦ ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଭାରତୀୟଙ୍କ ଭାବନାର ସମ୍ମାନ ଜଣାଇଥିବାରୁ ଇମରାନ ଖାନଙ୍କୁ ଧନ୍ୟବାଦ ଜଣାଇଛନ୍ତି ପ୍ରଧାନମନ୍ତ୍ରୀ ମୋଦି । ସୁଲତାନପୁରର ଲୋଧିସ୍ଥିତ ଗୁରୁଦ୍ବାରରେ ଜନସଭାକୁ ସମ୍ବୋଧିତ କରି କରତାରପୁର କରିଡର ପାଇଁ ଖୁସି ବ୍ୟକ୍ତ କରିଛନ୍ତି ମୋଦି । ଏହି ଅବସରରେ ପିଏମ ମୋଦିଙ୍କୁ ନାରଙ୍ଗୀ ରଙ୍ଗର ପଗଡିରେ ଦେଖିବାକୁ ମିଳିଥିଲା ।
ଗୁରୁଦାସପୁର ସାଂସଦ ସନ୍ନୀ ଦେଓଲ, କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ଓ ଶିରୋମଣୀ ଅକାଳୀ ଦଳର ସୁଖବୀର ବାଦଲ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । କରତାରପୁର କରିଡର ପାଇଁ ସମଗ୍ର ଦେଶକୁ ଶୁଭେଚ୍ଛା ଜଣାଇବା ସହ ଦେଶ ଉଦ୍ଦେଶ୍ୟରେ କରିଡରକୁ ସମର୍ପିତ କରାଗଲା ବୋଲି କହିଥିଲେ ମୋଦି।
ପ୍ରଧାନମନ୍ତ୍ରୀ ସ୍ମାରକୀ ମୁଦ୍ର ଓ ଷ୍ଟାମ୍ପ ମଧ୍ୟ ଉଦଘାଟନ କରିଛନ୍ତି । ପାସେଞ୍ଜର ଟର୍ମିନେଟେଡ ବା ଚେକ୍ ପୋଷ୍ଟକୁ ମଧ୍ୟ ଉଦଘାଟନ କରିଛନ୍ତି ମୋଦି । ଏହି ଚେକ୍ ପୋଷ୍ଟ ଦେଇ ବିନା ଭିସାରେ ତୀର୍ଥଯାତ୍ରୀ ଯାତ୍ରା କରିପାରିବେ । ପ୍ରକାଶଥାଉକି, କରତାରପୁର କରିଡରର ଶିଳାନ୍ୟାସ ଉପ ରାଷ୍ଟ୍ରପତି ଏମ ଭେଙ୍କେୟା ନାଇଡୁଙ୍କ ଦ୍ବାରା କରାଯାଇଥିଲା।
ଅନ୍ୟପକ୍ଷେ ଗୁରୁଦ୍ବାରାରେ ପୂଜା କରି ପବିତ୍ର ବେର୍ ବୃକ୍ଷକୁ ମଧ୍ୟ ଦର୍ଶନ କରିଥିଲେ । ଏହି ବୃକ୍ଷ ତଳେ ଗୁରୁ ନାନକ ବସି 14 ବର୍ଷ ତପସ୍ୟା କରିଥିଲେ । ତେବେ ଉଦଘାଟନୀ ଦିବସରେ ପ୍ରାୟ 500 ତୀର୍ଥଯାତ୍ରୀ ଯାତ୍ରା କରିଥିଲେ । ସେମାନଙ୍କ ସହ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ସହ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂହ ମଧ୍ୟ ଯାତ୍ରା କରିଥିଲେ ।
