ନୂଆଦିଲ୍ଲୀ: 2ଟି ପ୍ୟାନକାର୍ଡ ରଖୁଥିଲେ ସାବଧାନ । ଖୁବଶୀଘ୍ର ଗୋଟିଏ ପ୍ୟାନକାର୍ଡ ଫେରାଇ ଦିଅନ୍ତୁ, ନଚେତ ଏଥିପାଇଁ ଆପଣଙ୍କୁ ଗଣିବାକୁ ପଡିପାରେ 10 ହଜାର ଟଙ୍କା ପର୍ଯ୍ୟନ୍ତ ଜୋରିମାନା । ଏପରିକି ଆୟକର ବିଭାଗ ଅଧିନିୟମ 1961ର ଧାରା 272ରେ ଆପଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ମଧ୍ୟ ହୋଇପାରେ ।
କଳାଧନ ଉପରେ ଅଙ୍କୁଶ ଲଗାଇବା ଏବଂ ପ୍ୟାନକାର୍ଡ ଧାରୀଙ୍କ କାର୍ଡ ରେକର୍ଡ ସ୍ବଚ୍ଛ ରଖିବା ପାଇଁ ଏହି ଯାଞ୍ଚ କରାଯାଉଛି । ଏନେଇ ଆୟକର ବିଭାଗର ଅଧିକାରୀ କହିଛନ୍ତି, ପ୍ରତ୍ୟେକ ପ୍ୟାନ କାର୍ଡର ଏକ ଭିନ୍ନ ନମ୍ବର ଥାଏ । ତେଣୁ ଜଣେ ଲୋକ ଦୁଇଟି ପ୍ୟାନ କାର୍ଡ ରଖିପାରିବେ ନାହିଁ । ଯଦି ଭୁଲବଶତଃ ଆପଣଙ୍କ ପାଖରେ 2ଟି ପ୍ୟାନ କାର୍ଡ ରହିଯାଇଛି, ତୁରନ୍ତ ଗୋଟିଏ ପ୍ୟାନକାର୍ଡ ଫେରାଇ ଦିଅନ୍ତୁ । କାର୍ଡ ଫେରାଇବା ପାଇଁ ଉଭୟ ଅନଲାଇନ ଓ ଅଫ ଲାଇନ ମାଧ୍ୟମରେ ଆବେଦନ କରିପାରିବେ ।
ଏପରି କରନ୍ତୁ ଆବେଦନ:
ନ୍ୟାସନାଲ ସିକ୍ୟୁରିଟିଜ ଡିପୋଜିଟୋରି ଲିମିଟେଡ(ଏନଏସଡିଏଲ) ୱେଟସାଇଟରେ ନୂଆ ପ୍ୟାନ କାର୍ଡ ଆବେଦନ ପାଇଁ ଥିବା ଲିଙ୍କ୍ ଉପରେ କ୍ଲିକ୍ କରି ଫର୍ମ ପୂରଣ କରନ୍ତୁ । ଯେଉଁ ପ୍ୟାନ କାର୍ଡକୁ ଚାଲୁ ରଖିବାକୁ ଚାହୁଁଛନ୍ତି, ସେହି ଫର୍ମ ଉପରେ ରଖନ୍ତୁ । ଅନ୍ୟ ଫର୍ମ ବିଷୟରେ ଜାଣିବା ପାଇଁ 11ନମ୍ବର ତାଲିକା ପୂରଣ କରନ୍ତୁ । ଏଥିସହ ଯେଉଁ ପ୍ୟାନକାର୍ଡକୁ ରଦ୍ଦ କରିବାକୁ ଚାହୁଁଛନ୍ତି, ତାହାର କପି ଫର୍ମକୁ ମଧ୍ୟ ଲଗାନ୍ତୁ । ଯଦି ଆପଣଙ୍କ କାର୍ଡ ହଜିଯାଇଛି କିମ୍ବା ନଷ୍ଟ ହୋଇଯାଇଛି ନୂତନ ଆବେଦନ କରିବା ଅପେକ୍ଷା ପୁରୁଣା କାର୍ଡର ଆଉ ଏକ ଡୁପ୍ଲିକେଟ କାର୍ଡ କରନ୍ତୁ ।
