ନୂଆଦିଲ୍ଲୀ: ପାକିସ୍ତାନ ପଟୁ ଭାରତୀୟ ବାୟୁସୀମାରେ ପ୍ରବେଶ କରୁଥିବା ଏକ କାର୍ଗୋ ବିମାନକୁ ଜୟପୁର ବିମାନ ବନ୍ଦରରେ ଅବତରଣ କରିଛି ବାୟୁସେନା । ବିମାନର ପାଇଲଟଙ୍କୁ ଅଟକ ରଖି ପଚରା ଉଚୁରା କରୁଛି ବାୟୁସେନା ।
ଜବତ ହୋଇଥିବା ଆଣ୍ଟୋନାୱ ଏନ-12 ବିମାନ ଜର୍ଜିଆର ବୋଲି ଜଣା ପଡିଛି । ବିମାନଟିକୁ କରାଚିରୁ ଦିଲ୍ଲୀ ଉଡାଣ ଭରିବାକୁ ମଞ୍ଜୁରୀ ମିଳିଥିଲା । କିନ୍ତୁ ବିମାନଟି ନିଜ ରାସ୍ତା ବଦଳାଇ ଭାରତୀୟ ସୀମା ପଟୁ ଉତ୍ତର ଗୁଜୁରାଟରେ ପ୍ରବେଶ କରିଥିଲା ।
ତେବେ ସୌଭାଗ୍ୟକ୍ରମେ ଭାରତୀୟ ବାୟୁସେନାର ଏୟାର ଡିଫେନ୍ସ ସିଷ୍ଟମ ବିମାନକୁ ଦେଖିଥିଲା । ତେବେ ବେଆଇନ ପ୍ରବେଶରୁ ଆଲର୍ଟ ହୋଇ ଜୟପୁର ଏୟାରଫିଲ୍ଡରେ ଅବତରଣ କରିବା ପାଇଁ ବିମାନକୁ ମଜବୁର କରିଥିଲା ଭାରତୀୟ ବାୟୁସେନା ।
