ନୂଆଦିଲ୍ଲୀ: ସୂଚନା ଓ ପ୍ରସାରଣ ମନ୍ତ୍ରଣାଳୟ, ଟେଲିଭିଜନ ପ୍ରସାରଣକାରୀ, DTH ଏବଂ କେବୁଲ ଟିଭି ଅପରେଟରଙ୍କୁ କୋଭିଡ-19 ମହାମାରୀର କଷ୍ଟଦାୟକ ସମୟରେ ଦର୍ଶକଙ୍କୁ ନିରନ୍ତର ସେବା ଯୋଗାଇଦେବାକୁ କହିଛନ୍ତି ।
ସମସ୍ତ ପ୍ରସାରଣକାରୀ, DTH ପ୍ରଦାନକାରୀ, ମଲ୍ଟି ସିଷ୍ଟମ ଅପରେଟର (MSOs) ଏବଂ ସ୍ଥାନୀୟ କେବୁଲ ଅପରେଟର (LCOs) କୁ ଲେଖିଥିବା ଏକ ଚିଠିରେ ଗ୍ରାହକଙ୍କୁ ନିରବଚ୍ଛିନ୍ନ ସେବା ପ୍ରଦାନ ଜାରି ରଖିବାକୁ କୁହାଯାଇଛି । ଏହି କଠିନ ସମୟରେ ଦର୍ଶକ ଏବଂ ଜନସାଧାରଣଙ୍କ ସୁରକ୍ଷା ଜରୁରୀ ।
ବିଭିନ୍ନ ଗଣମାଧ୍ୟମ ମାଧ୍ୟମରେ ଅତ୍ୟାବଶ୍ୟକ ତଥା ପ୍ରାମାଣିକ ସୂଚନାର କ୍ରମାଗତ ପ୍ରସାରଣର ଉଦ୍ଦେଶ୍ୟ ହେଉଛି ଜନସାଧାରଣଙ୍କ ସୁରକ୍ଷା । ଏଭଳି ଗୁରୁତ୍ବପୂର୍ଣ୍ଣ ସମୟରେ ସୂଚନା ଏବଂ ସମ୍ବାଦ ପ୍ରସାରଣ, ପ୍ରାମାଣିକ ସୂଚନା ଏବଂ ମନୋରଞ୍ଜନ ସମ୍ବନ୍ଧୀୟ କାର୍ଯ୍ୟକ୍ରମ ଜନସାଧାରଣଙ୍କୁ ନିଜ ଘରେ ରଖିବାକୁ ସାହାଯ୍ୟ କରିବ ବୋଲି ମନ୍ତ୍ରଣାଳୟ କହିଛି ।
@PTI
