ହାଇଦ୍ରାବାଦ: ରାଜୀବଗାନ୍ଧୀ ଇଣ୍ଟରନ୍ୟାସନାଲ ଏୟାରପୋର୍ଟ( ଆରଜିଆଇ)କୁ ନୂଆ ଉପଲବ୍ଧି । ଆରଜିଆଇ ହାତେଇଲା ଦୁଇ ଦୁଇଟି ଆୱାର୍ଡ । କନଫେଡେରେସନ୍ ଅଫ୍ ଇଣ୍ଡିଆନ ଇଣ୍ଡଷ୍ଟ୍ରିର ‘ନ୍ୟାସନାଲ ଏନର୍ଜି ଲିଡର’ ଓ ‘ଏକ୍ସିଲେଣ୍ଟ ଏନର୍ଜି ଇଫିସେଣ୍ଟ ୟୁନିଟ’ ଭଳି ଦୁଇଟି ପୁରସ୍କାର ପ୍ରଦାନ କରାଯାଇଛି ।
ସିଆଇଆଇ ଓ ଜିବିସି ଦ୍ବାରା ଆୟୋଜିତ 21ତମ ଜାତୀୟ ପୁରସ୍କାରରେ ରାଜୀବ ଗାନ୍ଧୀ ଇଣ୍ଟରନ୍ୟାସନାଲ ବିମାନବନ୍ଦରକୁ ‘ଏକ୍ସିଲେଣ୍ଟ ଇନ୍ ଏନର୍ଜି ମ୍ୟାନେଜମେଣ୍ଟ’ ପୁରସ୍କାର ମିଳିଛି । ଏହି କାର୍ଯ୍ୟକ୍ରମଟି ଗତ 6ରୁ 28 ତାରିଖ ମଧ୍ୟରେ ଭିଡିଓ କନଫରେନ୍ସିଂ ଜରିଆରେ ଚାଲିଥିଲା ।
ଏନେଇ ଆରଜିଆଇ ବିମାନ ବନ୍ଦରର ସିଇଓ ପ୍ରଦୀପ ପାଣିକର କହିଛନ୍ତି କି, ଏହି ପୁରସ୍କାର ପାଇ ଆମେ ବହୁତ ଖୁସି । ଶକ୍ତି ଉତ୍ସକୁ ସଠିକ୍ ଉପଯୋଗ କରିବାରେ ଆମେ ପ୍ରତିଶୃତିବଦ୍ଧ । ଏହାସହ ସେ ଆହୁରି କହିଛନ୍ତି କି, ଉର୍ଜା ଶକ୍ତିର ଦକ୍ଷତା ବୃଦ୍ଧି କରିବା ଲକ୍ଷ୍ୟରେ ଆମେ କାମ କରି ଆସୁଛୁ । GHIALର ବିଜ୍ଞପ୍ତି ଅନୁସାରେ, ଗତ 3 ବର୍ଷ ମଧ୍ୟରେ 4.55 ଏମୟୁ ଉର୍ଜା ସଞ୍ଚୟ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
