ଉରି ଆକ୍ରମଣ ପରେ ପାକିସ୍ତାନକୁ ଉଚିତ ଶିକ୍ଷା ଦେବା ପାଇଁ ଭାରତ କରିଥିଲା ସର୍ଜିକାଲ ଷ୍ଟ୍ରାଇକ । ଏଥର ବି ଭାରତ ନିକଟରେ ରହିଛି ଦୁଇଟି ବିକଳ୍ପ । କୁଟନୀତି ହେଉ ବା ସାମରିକ ବଳ । ଏହି ଦୁଇଟି ରାସ୍ତା ଆପଣାଇ ପାରେ ଭାରତ । କଥାରେ ଅଛି ଶତ୍ରୁର ଶତ୍ରୁ ମିତ୍ର ହଇଥାଏ । ଏଣୁ କୁଟନୀତି ରାସ୍ତା ବାଛିଲେ ବିନା ହତିଆରରେ ଶତ୍ରୁନାଶ କରିପାରିବ ଭାରତ । ବେଲୁଚିସ୍ତାନ ବିଦ୍ରୋହୀଙ୍କୁ ଭାରତ ସମର୍ଥନ କରି ପାକିସ୍ତାନ ଠୁ ନେଇ ପାରିବ ପ୍ରତିଶୋଧ । ଯାହାକି ବାଲାଂଦେଶ କ୍ଷେତ୍ରରେ ହୋଇଥିଲା ସମ୍ଭବ ।
ସେପଟେ ସାମରିକ ବିକଳ୍ପ ଆପଣାଇଲେ ଭାରତ କରିବ ସର୍ଜିକାଲ ଷ୍ଟ୍ରାଇକ । ନଚେତ ପାକିସ୍ତାନକୁ ଦେବ ଖୋଲା ଚ୍ୟାଲେଞ୍ଜ । ଶତ୍ରୁଦେଶର ଲାହୋର ସ୍ଥିତ ଆତଙ୍କୀ ଆଡ୍ଡାସ୍ଥଳୀକୁ ଟାର୍ଗେଟ କରି ଯବାନଙ୍କୁ ଭାରତ ଦେଇ ପାରିବ ନ୍ୟାୟ । ତେବେ ପୁଲୱାମା ଆକ୍ରମଣ ପାଇଁ ରାଜନୈତିକ କାଦୁଅ ଫିଙ୍ଗାଫିଙ୍ଗା ନ ହୋଇ ଏହାର ସମାଧାନ କରିବା ନେଇ ସାଧାରଣରେ ଚର୍ଚ୍ଚା ଚାଲିଛି ।
ଗୁରୁବାର ଜମ୍ମୁ କଶ୍ମୀରର ପୁଲୱାମା ସ୍ଥିତ ଅବନ୍ତିପୋରାରେ ଆତଙ୍କବାଦୀ ଗୁରୁବାର ଘଟାଇଛନ୍ତି ବର୍ବର କାଣ୍ଡ ।
ଆତ୍ମଘାତୀ ଆକ୍ରମଣରେ ୪୪ ସିଆରପିଏଫ୍ ଯବାନ ଶହୀଦ ହୋଇଥିବା ବେଳେ ୩୦ରୁ ଉର୍ଦ୍ଧ୍ବ ଗୁରୁତର ଆହତ ହୋଇଛନ୍ତି । ଏହି ଘଟଣା ପାଇଁ ଜୈସ-ଏ-ମହମ୍ମଦ ନିଜକୁ ଦାୟୀ କରିଛି ।
