ବେଙ୍ଗାଲୁରୁ: ବେଙ୍ଗାଲୁରୁର ହୋସାଗୁଦାଦାହାହଲିରେ ଥିବା ଏକ ରାସାୟନିକ କାରଖାନାରେ ବ୍ୟାପକ ଅଗ୍ନୀକାଣ୍ଡ ଘଟିଛି । ଅଗ୍ନିକାଣ୍ଡର କାରଣ ଜଣା ପଡିନଥିବା ବେଲେ ଅଗ୍ନିଶମ ବିଭାଗ ନିଆଁ ଲିଭାଇବାକୁ ଚେଷ୍ଟା ଚଳାଇଛନ୍ତି ।
ପ୍ରାଥମିକ ସୂଚନା ଅନୁଯାୟୀ ବାବୁଜି ନଗରରେ ବର୍ତ୍ତମାନ ଦଶଟି ଅଗ୍ନିଶମ ଟିମ ଉପସ୍ଥିତ ରହି ନିଆଁକୁ ଆୟତ୍ତ କରିବା ପାଇଁ ଯୁଦ୍ଧକାଳୀନ ଭିତ୍ତିରେ ପ୍ରୟାସ ଜାରି ରଖିଛି । କାରଖାନା ଭିତରେ ଥିବା 4 ଜଣ ଶ୍ରମିକଙ୍କୁ ଅଗ୍ନିଶମ ବିଭାଗ ଦ୍ୱାରା ଉଦ୍ଧାର କରାଯାଇଛି ଏବଂ କୌଣସି କ୍ଷୟକ୍ଷତି ହୋଇନାହିଁ। ତେବେ କାରଖାନା ସମ୍ମୁଖରେ ଠିଆ ହୋଇଥିବା ଅନେକ ଗାଡି ଜଳି ଯାଇଛି ।
ବର୍ତ୍ତମାନ ସୁଦ୍ଧା ଅଗ୍ନିଶମ ବାହିନୀ ଏବଂ ପୋଲିସ 500 ମିଟର କାରଖାନା ନିକଟରେ ରହିଥିବା ଘର ଗୁଡିକୁ ଖାଲି କରିବାକୁ ପ୍ରୟାସ ଜାରି ରଖିଛି । ଏହି ଅଗ୍ନିକାଣ୍ଡରେ ପ୍ରାୟ କାରାଖାନାର 5ଶହ ମିଟର ପର୍ଯ୍ୟନ୍ତ ଅଞ୍ଚଳ ବିଶେଷ ପ୍ରଭାବିତ ହୋଇଥିବା ଜଣା ପଡିଛି । ସେହିପରି ଅଘଟଣ ଘଟିବା ସମୟରେ ସେଠାରେ ଉପସ୍ଥିତ ଲୋକ ଦୌଡି ପଳାଇ ଯିବାରୁ ତାଙ୍କ ଜୀବନ ବଞ୍ଚିଯାଇଥିବା ଦେଖାଯାଇଛି ।
ମିଲିଥିବା ସୂଚନା ଅନୁସାରେ କେମିକାଲ ଭର୍ତ୍ତି କ୍ୟାନ ଗୁଡିକ ଷ୍ଟୋର ରୁମରେ ରଖାଯାଇଥିବା ବେଳେ ବଡ ବିସ୍ପୋରଣର ଆଶଙ୍କା ଥିବା ବେଳେ ଅଗ୍ନିଶମ ବିଭାଗର କଠିନ ପରିଶ୍ରମ ବଳରେ ସେପରି କିଛି ବଡ ଧରଣର ବିସ୍ଫୋରରଣକୁ ଏଡାଯାଇପାରିଛି । କାରଖାନାର ମାଲିକ ଓ କର୍ତ୍ତୃପକ୍ଷ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ତାଙ୍କୁ ପୋଲିସ ଖୋଜୁଥିବା ଜଣା ପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
