ନୂଆଦିଲ୍ଲୀ: ପଶ୍ଚିମବଙ୍ଗରେ ତାଣ୍ଡବ ରଚିଛି ଭୟଙ୍କରୀ ବାତ୍ୟା ବୁଲବୁଲ । ଉପକୂଳବର୍ତ୍ତୀ ଅଞ୍ଚଳକୁ ଅଧିକ ପ୍ରଭାବିତ କରିଛି ବୁଲବୁଲ । ବାତ୍ୟା ପୀଡିତଙ୍କୁ ସବୁ ସୁବିଧା ଯୋଗାଇବା ପାଇଁ ପଶ୍ଚିମବଙ୍ଗ ସରକାରଙ୍କୁ ସମ୍ପୂର୍ଣ୍ଣ ସହଯୋଗ କରିବା ପାଇଁ ପ୍ରତିଶୃତି ଦେଇଛନ୍ତି କେନ୍ଦ୍ରଗୃହ ମନ୍ତ୍ରୀ ଅମିତ ଶାହା ।
କେନ୍ଦ୍ର ଏବଂ ରାଜ୍ୟ ରିଲିଫ ଏଜେନ୍ସି ସହ ସଂପର୍କରେ ଥିବା କହିଛନ୍ତି ଅମିତ ଶାହା । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ସବୁ ପ୍ରକାର ସାହାଯ୍ୟ କରିବା ନେଇ ଆଲୋଚନା କରିଥିବା ଶାହା ଟ୍ବିଟ କରିଛନ୍ତି । ବନ୍ୟା ପ୍ରପୀଡିତଙ୍କୁ ସାହାଯ୍ୟ ପାଇଁ 10ଟି ଏନଡିଆରଏଫ ଟିମ ପଶ୍ଚିମବଙ୍ଗକୁ ଏବଂ 6ଟି ଓଡିଶାରେ ନିୟୋଜିତ କରାଯାଇଛି ।
ପ୍ରଶାସନ ପକ୍ଷରୁ ରିଲିଫ ଏବଂ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରଣ କରାଯାଉଛି । ଆହୁରି 18 ଏନଡିଆରଏଫ ଟିମକୁ ପ୍ରସ୍ତୁତ ରଖାଯାଇଛି । ବାତ୍ୟାରେ ଦକ୍ଷିଣ 24 ପାରଗନ ଅଧିକ ପ୍ରଭାବିତ ହୋଇଥିବା ଜଣାପଡିଛି।
