ଶ୍ରୀନଗର: ଗତ କିଛି ଦିନ ହେବ ସୀମାରେ ମାତିଛନ୍ତି ଆତଙ୍କୀ। ବିଭିନ୍ନ ସମୟରେ ଅଶାନ୍ତ ପରିସ୍ଥିତି ସୃଷ୍ଟି କରିବା ସହ ବହୁ ସଂଖ୍ୟାରେ ନିପାତ ହେଉଛନ୍ତି। ତେବେ ମହାମାରୀ ସମୟରେ ଆତଙ୍କୀଙ୍କ ଏହି ଉତ୍ପାତ ମୁଣ୍ଡ ବିନ୍ଧାର କାରଣ ପାଲଟିଛି। ହେଲେ ଭାରତୀୟ ଯବାନ ଏମାନଙ୍କୁ ଦେଉଛନ୍ତି କଡା ଜବାବ।
ଆତଙ୍କୀଙ୍କ କାର୍ଯ୍ୟକଳାପ ସହ ଲିପ୍ତ ଥିବା ସଙ୍ଗଠନର ଜଣେ ସଦସ୍ୟଙ୍କୁ ବାରମୂଲ୍ଲାରୁ ଗିରଫ କରାଯାଇଛି। ସେ ଆତଙ୍କବାଦୀ ହିଜବୁଲ ମୁଜାହିଦ୍ଦିନର ଜଣେ ଓଭର ଗ୍ରାଉଣ୍ଡ ୱାର୍କର୍ (OGW) ବୋଲି ଜଣାପଡିଛି। ସୋମବାର ବାରାମୁଲ୍ଲାରେ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ସହ ଗିରଫ କରାଯାଇଛି ବୋଲି କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ (CRPF) କହିଛି।
"ବାରାମୁଲ୍ଲାର ସ୍ବତନ୍ତ୍ର ଅପରେସନ୍ ଗ୍ରୁପ୍ ଏବଂ 53 ବାଟାଲିଅନ୍, କ୍ରାଲହର ବାରାମୁଲ୍ଲାରେ ନାକା ପାର୍ଟି ସମୟରେ ସିଆରପିଏଫ୍ ତାହିର ଅହମ୍ମଦ ଶେଖ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛନ୍ତି। ଏହାସଗ 1 ହ୍ୟାଣ୍ଡ ଗ୍ରେନେଡ, 1 ପତ୍ରିକା ଏକେ 47 ଏବଂ ଏକେ 47 ର 25 ରାଉଣ୍ଡ ଉଦ୍ଧାର କରିଥିଲେ। ସେ ହିଜବୁଲ ମୁଜାହିଦ୍ଦୀନର ଓଭର ଗ୍ରାଉଣ୍ଡ ୱାର୍କର୍ ଭାବରେ କାର୍ଯ୍ୟ କରୁଥିଲେ ,ବୋଲି ସିଆରପିଏଫ ଅଧିକାରୀ କହିଛନ୍ତି।''
