ଚେନ୍ନାଇ: ମକ୍କାଲ ନିଧି ମାୟମ୍(ଏମଏନଏମ)ନେତା ତଥା ତାମିଲ ସୁପରଷ୍ଟାର କମଲ ହାସନଙ୍କ ବିବାଦୀୟ ବୟାନ। ହିନ୍ଦୀ ଭାଷାକୁ କହିଲେ ଡାଇପର ପିନ୍ଧା ଶିଶୁ । ଭାରତୀୟ ଭାଷା ପରିବାରରେ ହିନ୍ଦୀ ସବୁଠୁ ଯୁବକ ବୋଲି କହିଛନ୍ତି ସେ ।
ଗୋଟିଏ ଦେଶ ଗୋଟିଏ ଭାଷାକୁ ନେଇ ଦେଶରେ ଚର୍ଚ୍ଚା ଚାଲିଥିବାବେଳେ ଗୁରୁବାର ଏନେଇ କମଲ ହାସନ ଏକ ବିବାଦୀୟ ବୟାନ ଦେଇଛନ୍ତି । ତାମିଲ, ସଂସ୍କୃତ ଓ ତେଲୁଗୁ ପରେ ହିନ୍ଦୀ ଭାଷା ଆସିଥିବା କହିବା ସହ ଏହି ଭାଷା ଡାଇପର ପିନ୍ଧା ଶିଶୁ ବୋଲି ସେ କହିଛନ୍ତି । ଏହି କାରଣରୁ ଏହାର ଆମେ ଯତ୍ନ ନେଇ ପାରିବା କିନ୍ତୁ ଏହାକୁ କୋଳେଇ ପାରିବା ନାହିଁ ବୋଲି ସେ କହିଛନ୍ତି ।
ଏହା ସହ ସେ କହିଛନ୍ତି,‘ ତାମିଲ ଭାଷା ଆମର ଗର୍ବ ଓ ଗୌରବ, ଆମେ ତା ପାଇଁ ଲଢେଇ କରିବା । ବିବିଧତା ମଧ୍ୟରେ ଏକତା ହିଁ ଆମର ପରିଚୟ। ଏହାକୁ ଆମେ ବଦଳାଇ ପାରିବା ନାହିଁ।
