ଡେରାଡୁନ: କେଦାରନାଥରେ ଅଘଟଣ । 6 ଜଣ ଯାତ୍ରୀଙ୍କୁ ନେଇ ଆସୁଥିବା ବେଳେ ଏକ ହେଲିକପ୍ଟର ଦୁର୍ଘଟଣାର ସମ୍ମୁଖିନ ହୋଇଛି । ତେବେ ଏହି ଦୁର୍ଘଟଣାରେ କାହାର କୌଣସି ପ୍ରକାର କ୍ଷତି ହୋଇନଥିବା ଜଣାପଡ଼ିଛି ।
ମିଳିଥିବା ସୂଚନା ମୁତାବକ ହେଲିକପ୍ଟରଟି ୟୁଟି କମ୍ପାନୀର ଥିଲା । ଉକ୍ତ ହେଲିକପ୍ଟରଟି ଫାଟାରୁ ତୀର୍ଥଯାତ୍ରୀଙ୍କୁ ନେଇ କେଦାରନାଥ ଯାଉଥିଲା । ମାତ୍ର ଅବତରଣ ସମୟରେ ଭାରସାମ୍ୟ ହରାଇବାରୁ ଦୁର୍ଘଟଣାର ସମ୍ମୁଖିନ ହୋଇଥିଲା । ଏହି ଦୁର୍ଘଟଣାରେ ଉକ୍ତ ହେଲିକପ୍ଟରରେ ବ୍ୟାପକ କ୍ଷତି ହୋଇଥିବା ସୂଚନା ମିଳିଛି ।
ଦୁର୍ଘଟଣାରେ ହେଲିକପ୍ଟରର ପଛ ଭାଗ ଏବଂ ପାଇଲଟ ନିକଟ ଅଂଶରେ ବ୍ୟାପକ କ୍ଷତି ପହଞ୍ଚିଛି । ତେବେ ଏଥିରେ ଆସୁଥିବା 6 ଜଣ ଯାତ୍ରୀଙ୍କ ସହିତ ପାଇଲଟ ରାଜେଶ ଭରଦ୍ବାଜ ସୁରକ୍ଷିତ ରହିଛନ୍ତି ।
