ଗାନ୍ଧୀନଗର: ଗୁଜୁରାଟରର କେଭଡିଆ ସ୍ଥିତ ଷ୍ଟାଚ୍ୟୁ ଅଫ ୟୁନିଟିରେ ସିଆଇଏସଏଫ ସୁରକ୍ଷାକର୍ମୀଙ୍କ ମୁତୟନ ପ୍ରସ୍ତାବକୁ ମଞ୍ଜୁରୀ ଦେଇଛି କେନ୍ଦ୍ର ଗୃହମନ୍ତ୍ରଣାଳୟ । ପ୍ରଥମ ପର୍ଯ୍ୟାୟରେ 25 ଅଗଷ୍ଟରୁ 272 ସିଆଇଏସଏଫ ସୁରକ୍ଷାକର୍ମୀଙ୍କୁ ମୁତୟନ କରାଯିବ ।
ପ୍ରଥମ ପର୍ଯ୍ୟାୟରେ 272 ଜଣ ସୁରକ୍ଷା କର୍ମୀଙ୍କୁ ଷ୍ଟାଚ୍ୟୁ ଅଫ ୟୁନିଟିରେ 25 ଅଗଷ୍ଟରୁ ମୁତୟନ କରିବା ନେଇ ସିଆଇଏସଏଫ ଡିଜି ରାଜେଶଙ୍କୁ ଚିଠି ମାଧ୍ୟମରେ ଜଣାଯାଇଥିବା ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ରାଜଧାନୀ ଦିଲ୍ଲୀର ସମ୍ବେଦନଶୀଳ ସରକାରୀ ଭବନ ବ୍ୟତୀତ ସିଆଇଏସଏଫ ଭାରତର ପ୍ରାୟ ସମସ୍ତ ବିମାନବନ୍ଦର ଏବଂ ଦିଲ୍ଲୀ ମେଟ୍ରୋକୁ ସୁରକ୍ଷା ଯୋଗାଇଥାନ୍ତି । ତେବେ ସେପ୍ଟେମ୍ବର 2 ପର୍ଯ୍ୟଟକଙ୍କ ପାଇଁ ଷ୍ଟାଚୁ ଅଫ ୟୁନିଟି ଖୋଲାଯିବ ବୋଲି ଅନୁମାନ କରାଯାଇଛି । ମହାମାରୀ କୋରୋନା ସଂକ୍ରମଣକୁ ଦୃଷ୍ଟିରେ ରଖି ଏହାକୁ ବନ୍ଦ କରିଦିଆଯାଇଥିଲା ।
@ANI
