ଚେନ୍ନାଇ: ଲଦାଖ ସୀମା ଗଲୱାନ ଭ୍ୟାଲିରେ ଚୀନ ସେନା ଗୁଳିରେ ଭାରତୀୟ ସେନାର ଜଣେ ଅଧିକାରୀ ଏବଂ ୨ ଯବାନ ଶହୀଦ ହୋଇଛନ୍ତି । ଏଥିରେ ତାମିଲନାଡୁର ରାମନାଥପୁରମ ଜିଲ୍ଲାର ଯବାନ ପାଜହାନୀ ଶହୀଦ ହୋଇଛନ୍ତି । ପାଜହାନୀଙ୍କ ଶହୀଦ ହେବା ଖବର ଶୁଣିବାରେ ପରେ ତାଙ୍କ ଘରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
ପାଜହାନୀ 22 ବର୍ଷ ଧରି ଭାରତୀୟ ସେନାରେ କାର୍ଯ୍ୟରତ ରହିଛନ୍ତି । ପାଜହାନୀଙ୍କ ଗୋଟିଏ ପୁଅ ଏବଂ ଗୋଟିଏ ଝିଅ ରହିଛି । ତାଙ୍କ ଭାଇ ମଧ୍ୟ ସେନାରେ କାର୍ଯ୍ୟରତ । ସେ ବର୍ତ୍ତମାନ ରାଜସ୍ଥାନରେ ଅବସ୍ଥାପିତ ରହିଛନ୍ତି ।
ତାମିଲନାଡୁର ଜଣେ ଯବାନ ଶହୀଦ
ତାମିଲନାଡୁର ସିଏମ କେ. ପାଲାନିସ୍ବାମୀ ଏବଂ ବିରୋଧୀଦଳର ନେତା ଏମ.କେ ଷ୍ଟାଲିନ ଶହୀଦଙ୍କ ପରିବାର ପ୍ରତି ସମବେଦନା ଜଣାଇଛନ୍ତି । ପାଜହାନୀଙ୍କୁ ତାଙ୍କର ବଳିଦାନ ଏବଂ ବୀରତ୍ବ ପାଇଁ ଅଭିବାଦନ ଜଣାଇବା ସହ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
