ନୂଆଦିଲ୍ଲୀ: କୋରୋନା ମହାମାରୀକୁ ନଜରରେ ରଖି କେନ୍ଦ୍ର ସରକାର ମ୍ୟାଲେରିଆ ଔଷଧ ହାଇଡ୍ରୋକ୍ସି କ୍ଲୋରୋକୁଇନ୍ ଔଷଧ ରପ୍ତାନୀ ଉପରେ ରୋକ୍ ଲଗାଇଥିଲେ । ଯଦିଓ ଏବେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଛି ହେଲେ ସରକାର ହାଇଡ୍ରୋକ୍ସି କ୍ଲୋରୋକୁଇନର ଏପିଆଇ ବା ଔଷଧ ତିଆରି ପାଇଁ ବ୍ୟବହୃତ ହେଉଥିବା କଞ୍ଚାମାଲ ରପ୍ତାନୀ ଉପରୁ ରୋକ୍ ହଟାଇ ଦେଇଛନ୍ତି ।
ଯଦିଓ କୋରୋନା ପାଇଁ ଏହି ଔଷଧ ନୁହେଁ, ହେଲେ ଆମେରିକା, ବ୍ରାଜିଲ୍ ସମେତ ଅନେକ ଦେଶ ଏହି ଔଷଧକୁ ବ୍ୟବହାର କରୁଥିଲେ । କୋରୋନା ବେଳେ ଏହି ଔଷଧ ରପ୍ତାନୀ ଉପରେ ସରକାର ଲଗାଇଥିଲେ । ହେଲେ କିଛି ଦେଶ ଭାରତକୁ ଏହି ଔଷଧ ମାଗିବା ପରେ ସରକାର ସ୍ବତନ୍ତ୍ର ଭାବରେ ଏହି ଔଷଧ ଶହେରୁ ଅଧିକ ଦେଶକୁ ରପ୍ତାନୀ କରିଥିଲେ । ବିଶ୍ବ ସ୍ବାସ୍ଥ୍ୟ ସଂଗଠନ କୋରୋନା ଆକ୍ରାନ୍ତଙ୍କ ପାଇଁ ଏହି ଔଷଧ ବ୍ୟବହାର କରିବାକୁ ଅନୁମତି ଦେଇ ନାହିଁ ।
ସୂଚନାଯୋଗ୍ୟ, ଜୁନ୍ 13 ତାରିଖରେ ସ୍ବାସ୍ଥ୍ୟ ମନ୍ତ୍ରଣାଳୟ କୋରୋନା ପାଇଁ ରେମଡିସିଭିର ବ୍ୟବହାର କରିବାକୁ ଅନୁମତି ଦେଇଥିଲେ । ପୂର୍ବରୁ କିନ୍ତୁ ହାଇଡ୍ରୋକ୍ସି କ୍ଲୋରୋକୁଇନକୁ ସରକାର ଗୁରୁତ୍ବ ଦେଇଥିଲେ ।
