ଲକ୍ଷ୍ନୌ: ସୋନୁ ନିଗମ୍ଙ୍କ ନାମରେ ସାଘାଂତିକ ଅଭିଯୋଗ । 40 ଲକ୍ଷ ଟଙ୍କାର ଆଡଭାନ୍ସ ନ ଫେରାଇବାରୁ ନୋଟିସ୍ । ତିନି ଦିନ ଭିତରେ ଜିଏସଟି ସହିତ 40 ଲକ୍ଷ ଟଙ୍କା ଫେରାଇବାକୁ ଗୋରଖପୁର ମହୋତ୍ସବର ଚେତାବନୀ । ଏହି ସମୟରେ ଟଙ୍କା ନ ଫେରାଇଲେ ଆଇନଗତ କାର୍ଯ୍ୟାନୁଷ୍ଠାନ ନେବାକୁ ଧମକ ।
ସୂଚନା ଅନୁସାରେ, ଜାନୁଆରୀ 13 ତାରିଖରେ ଉତ୍ତରପ୍ରଦେଶର ଗୋରଖପୁର ମହୋତ୍ସବରେ ଯୋଗଦେବା ଲାଗି ଗାୟକ ସୋନୁ ନିଗମ୍ ଆଡଭାନ୍ସ ନେଇଥିଲେ । ହେଲେ ଏଥିରେ ଯୋଗ ଦେଇନଥିଲେ କି ଆଡଭାନ୍ସ ମଧ୍ୟ ଫେରାଇନଥିଲେ । ଫଳରେ କମିଟି ପକ୍ଷରୁ ତାଙ୍କୁ ମେଲ ଜରିଆରେ ଏକ ନୋଟିସ ଦିଆଯାଇଛି । ଏଥିରେ ତାଙ୍କୁ 3 ଦିନ ଭିତରେ ଟଙ୍କା ଫେରାଇବାକୁ କୁହାଯାଇଛି ।
ଏହି ଅବଧି ଭିତରେ ଟଙ୍କା ନ ଫେରାଇଲେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦିଆଯାଇଛି । ଜାନୁଆରୀ 11 ତାରିଖରୁ ଜାନୁଆରୀ 13 ତାରିଖ ପର୍ଯ୍ୟନ୍ତ ଏହି ମହୋତ୍ସବ ଚାଲିଥିଲା । ଶେଷ ଦିନରେ ସୋନୁ ନିଗମ ଆସିବାର କାର୍ଯ୍ୟକ୍ରମ ଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
