ହାଇଦ୍ରାବାଦ: ଗତ କିଛି ଦିନ ହେବ ଦେଶରେ ନିଆଁ ଗତିରେ ବ୍ୟାପିଥିଲା ଟିକ୍ଟକ ଭର୍ସେସ ୟୁଟ୍ୟୁବ ବିବାଦ । ଟିକ୍ଟକ୍କୁ ବିଭିନ୍ନ ମହଲରେ ନିନ୍ଦା ପରେ ଲଞ୍ଚ ହୋଇଥିଲା ଏହାର ଦେଶୀ ଭର୍ସନ ‘ମିତ୍ରୋଁ’ ଆପ୍ । ଯାହାକୁ ମଙ୍ଗଳବାର ଗୁଗୁଲ ପ୍ଲେ ଷ୍ଟୋରରୁ ଡିଲିଟ କରାଯାଇଛି । ମାତ୍ରାଧିକ ସ୍ପାମ ଓ ପଲିସି ଫଙ୍କସନାଲିଟି ଉଲଙ୍ଘନ ଅଭିଯୋଗରେ ଏହାକୁ ଡିଲିଟ କରାଯାଇଥିବା କମ୍ପାନୀ ସ୍ପଷ୍ଟ କରିଛି ।
ଗୁଗୁଲର ପଲିସି ଅନୁଯାଯୀ ଗୋଟିଏ ଆପ୍ ୟୁଜର୍ସଙ୍କୁ ସମ୍ମାନ ଜଣାଇ ସେମାନଙ୍କୁ ଭିନ୍ନ କଣ୍ଟେଣ୍ଟ ଓ ସେବା ଯୋଗାଇବାର ଆବଶ୍ୟକତା ରହିଛି । ଯଦି କୌଣସି ଆପ୍ ସେବା ବଦଳରେ ଅନ୍ୟଙ୍କୁ ନିଚ୍ଚା ଦେଖାଇବା ବା ଅପମାନିତ କରିବା ଭଳି ତଥ୍ୟ ଦେଖାଏ ତେବେ ଏହାକୁ ପ୍ଲେ ଷ୍ଟୋରରୁ ଡିଲିଟ କରାଯିବ । ସମାନ ଭାବେ ଯଦି କୌଣସି ଆପ୍ ଅନ୍ୟ ଆପ୍ ଭଳି ସମାନ ସେବା ଯୋଗାଏ ତେବେ ତାହାକୁ ମଧ୍ୟ ଡିଲିଟ କରାଯିବ ।
କିଛି ଦିନ ତଳେ ଟିକଟକ ଆପ୍ର କ୍ଲୋନ ଟିକଟିକ ଆପ୍ର ଏକ ନୂଆ ଭର୍ସନ ଭାବେ ମିତ୍ରୋଁ ଆପ୍ ନାଁରେ ବାରମ୍ବାର ରିପୋର୍ଟ ହେବା ପରେ ଗୁଗୁଲ ଏହି ଆପ୍କୁ ନେଇ ବିଚାର ବିମର୍ଶ ଆରମ୍ଭ କରିଥିଲା । ଏହି ଆପ୍ରେ ଲୋକେ ଛୋଟ ଭିଡିଓ ପ୍ରସ୍ତୁତ କରିପାରିବେ । ତେବେ ଏହି ଆପ୍ର ସୋର୍ସ କୋଡ ପ୍ରସ୍ତୁତ କରିଥିଲା ଡେଭେଲପର ପାକିସ୍ତାନୀ ହୋଇଥିବାରୁ ଏହି ଆପ୍ର ପାକିସ୍ତାନୀ ଲିଙ୍କ ରହିଥିବା ଜଣା ପଡିଥିଲା ।
ତେବେ ଅଧିକ ତଦନ୍ତରୁ ଜଣା ପଡିଥିଲା କି କ୍ୟୁବୋକ୍ସସ ନାମକ ପାକିସ୍ତାନୀ ଦଳ ଟିକଟିକ ଆଣ୍ଡ୍ରଏଡ ମିଡିଆ ଆପ୍କୁ ବ୍ୟବହାର କରି 2.5 ଭର୍ସନରେ ଛୋଟ ଭିଡିଓ ପ୍ରସ୍ତୁତ କରୁଥିବା ଦେଖାଯାଇଥିଲା । ପରେ ଏହି କଣ୍ଟେଣ୍ଟକୁ କୋଡକାନ୍ୟୋନ ନାମକ ପ୍ଲାଟଫର୍ମରେ 34 ଡଲାରରେ ବିକ୍ରି କରୁଥିବା ଜଣା ପଡିଥିଲା । ସେପଟେ ଭାରତରେ ଆଣ୍ଟି-ଚାଇନା ସ୍ଲୋଗାନ ବ୍ୟାପିଥିବା ବେଳେ ଏହି ସମୟର ଲାଭ ଉଠାଇ ଲୋକପ୍ରିୟତା ପାଇଥିଲା ମିତ୍ରୋଁ ଆପ୍ ।
ହେଲେ ଯଦି ମିତ୍ରୋଁ ଆପ୍ର ପ୍ରସ୍ତୁତକାରୀ ଟିମ୍ ଏହା ୟୁଜର୍ସଙ୍କ ସାଧାରଣ ଆବଶ୍ୟକତାକୁ ପୂରଣ କରୁଛି ବୋଲି ଭାବନ୍ତି ତେବେ ସେମାନେ ଗୁଗୁଲ ବିରୋଧରେ ଏହି କାର୍ଯ୍ୟକଳାପକୁ ନେଇ ରିପୋର୍ଟ କରିପାରନ୍ତି ।
@IANS
