ନୂଆଦିଲ୍ଲୀ: ବର୍ତ୍ତମାନ ଲୋକେ ଘରେ ବନ୍ଦୀ ଥିବା ବେଳେ ଭିଡିଓ କନଫରେନ୍ସିଂର ବଢୁଛି ଡିମାଣ୍ଡ । ସେ ଘର ଲୋକଙ୍କ ସହ ଗ୍ରୁପ କଲ ହେଉ କିମ୍ବା ଅଫିସର ମିଟିଂ, ପ୍ରତିଟି କ୍ଷେତ୍ରରେ ଭିଡିଓ କନଫରେନ୍ସିଂ ରହିଛି ଭରପୂର ଆବଶ୍ୟକତା । ଏମିତିରେ ଗୁଗୁଲ ଲଞ୍ଚ କରିଥିବା ନିଜସ୍ବ ଆପ୍ ମିଟ ଏବେ ସାରା ବିଶ୍ବରେ ଥିବା ଜିମେଲ ଆକାଉଣ୍ଟରେ ପହଞ୍ଚିଛି । ଭାରତରେ ମଧ୍ୟ ବ୍ୟବହୃତ ଜିମେଲ ଆକାଉଣ୍ଟଗୁଡିକରେ ଏବେ ମିଟ ଆଡ ହୋଇଛି । ଏହାଦ୍ବାରା ଏହି ଆପ୍କୁ ସ୍ବତନ୍ତ୍ର ଭାବେ ଡାଉନଲୋଡ ନକରି ଲୋକେ ନିଜ ଜିମେସ ଆକାଉଣ୍ଟ ଜରିଆରେ ଗ୍ରୁପ ଭିଡିଓ କଲ କରିପାରିବେ ।
ଗୁଗୁଲ ମିଟ ସମ୍ପୂର୍ଣ୍ଣ ମାଗଣା ହୋଇଥିବା ବେଳେ ଜିମେଲ ଆକାଉଣ୍ଟ ଥିବା ଯେକୌଣସି ବ୍ୟକ୍ତି ଏଥିରେ ସାଇନ ଅପ କରି ଭିଡିଓ କନଫରେନ୍ସ କରିପାରିବେ । ବର୍ତ୍ତମାନ ୟୁଜର୍ସ ନିଜ ଜିମେଲର ବାମ ପାର୍ଶ୍ବରେ ଥିବା ମେନ୍ୟୁ ବକ୍ସରେ ‘Start a meeting’ ଓ ‘join a meeting’ର ଦୁଇଟି ଅପ୍ସନ ଦେଖିପାରିବେ । ତେଣୁ ଏକ ଭିଡିଓ କଲ ଆରମ୍ଭ କରିବାକୁ ହେଲେ ଏହି ଅପ୍ସନ ଉପରେ କ୍ଲିକ କରନ୍ତୁ । ଏହାପରେ ଗୁଗୁଲ ମିଟ ଆପଣଙ୍କୁ ଲାପଟପ ବା ଡେସ୍କଟପର କ୍ୟାମେରା ଓ ମାଇକ୍ରୋଫୋନ ପାଇଁ ଆକ୍ସେସ ମାଗିବ । ଏହା ଆପଣ ଥରେ ଆପ୍ରୁଭ କଲେ ଆପଣ ଯେକୌଣସି ଗ୍ରୁପ କଲରେ ସାମିଲ ହୋଇପାରିବେ ।
ଯଦି ଆପଣଙ୍କୁ ଏକ ମିଟିଂରେ ସାମିଲ ହେବାର ଅଛି ତେବେ ଆପଣଙ୍କୁ ପପ୍ ଅପ୍ ବକ୍ସରେ ମିଟିଂ କୋଡ ପଞ୍ଚ କରିବାକୁ ହେବ । ସେହିପରି ଆପଣ ଏକ ଭିଡିଓ କଲ ଆରମ୍ଭ କରିବାକୁ ଚାହୁଁଥିଲେ ଏଥିପାଇଁ ଆପଣଙ୍କୁ ନିଜ କଣ୍ଟାକ୍ଟରୁ ରିକ୍ବେଷ୍ଟ କରିବାକୁ ପଡିବ । ରିକ୍ବେଷ୍ଟ କୋଡ ପଞ୍ଚ କରିବା ଦ୍ବାରା ଆପଣ ମଧ୍ୟ ଗ୍ରୁପ ଭିଡିଓ କଲ ଆରମ୍ଭ କରିପାରିବେ । ସେପଟେ ଆପ୍ର ସରଳ ବ୍ୟବହାର ପାଇଁ ଦୈନିକ ଏହାର ବ୍ୟବହାର ମାତ୍ରା 30 ପ୍ରତିଶତ ବଢୁଥିବା ପ୍ରକାଶ କରିଛନ୍ତି ଜି ସୁଟର ଭାଇସ ପ୍ରେସିଡେଣ୍ଟ ତଥା ସାଧାରଣ ସମ୍ପାଦକ ଜାଭିଅର ସୋଲେଟ୍ରୋ ।
@IANS
