ଅମରାବତୀ: ବର୍ତ୍ତମାନ ଦୁଷ୍କର୍ମ ଓ ନାରୀ ନିର୍ଯାତନା ବଡ ସମସ୍ୟା ହୋଇ ଦେଶରେ ମୁଣ୍ଡ ଟେକିଲାଣି । ଏଥିରୁ ବର୍ତ୍ତିବା ସହ ନିଜେ ସୁରକ୍ଷିତ ରହିବା ପାଇଁ ପିଲାମାନଙ୍କୁ ସ୍କୁଲରେ ଶିକ୍ଷା ଦେଉଛନ୍ତି ଆନ୍ଧ୍ରପ୍ରଦେଶ ୱେଷ୍ଟ ଗୋଦୋବରୀର ଇଂରାଜୀ ଶିକ୍ଷୟିତ୍ରୀ ଲୋୟା କୁମାରୀ ।
ସ୍କୁଲରେ ପଢୁଥିବା ସମସ୍ତ ଛାତ୍ରୀଙ୍କୁ ସାମନା ବ୍ୟକ୍ତିର ଆଖିର ପରିଭାଷା ବୁଝାଇଛନ୍ତି । ଯଦି କେଉଁ ଝିଅଙ୍କୁ କୌଣସି ପୁରୁଷ ଖରାପ ନଜରରେ ଦେଖୁଛି, ତାର ଆଖିକୁ ଦେଖି କିପରି ସେହି ସ୍ଥାନରୁ ସୁରକ୍ଷିତ ସ୍ଥାନକୁ ଆସିବେ ସେନେଇ ଶିକ୍ଷା ଦେଉଛନ୍ତି ଲୋୟା । ଏହା ସହିତ ଘଟଣା ନିଜ ମାତାପିତା ଓ ପରିବାର ସହ କହିବା ଉଚିତ ବୋଲି ସେ କହିଛନ୍ତି ।
ଏହି ଶିକ୍ଷା ଦ୍ବାରା ସମାଜରେ ସେମାନଙ୍କ ଉପରେ ହେଉଥିବା ଶାରୀରିକ ନିର୍ଯାତନା ଏବଂ ଦୁର୍ବ୍ୟବହାରରୁ ବର୍ତ୍ତି ପାରିବେ । 2017ରେ ପଶ୍ଚିମ ଗୋଦାବରୀ ଜିଲ୍ଲା ଜଙ୍ଗାରେଡିଗୁଡେମ ମଣ୍ଡଳ, ତାଡୁଭାଇ ଜେ.ପି. ହାଇସ୍କୁଲରେ ଚକ୍ଷୁ ଭାଷା ପ୍ରଚଳନ କରାଯାଇଥିଲା । ବର୍ତ୍ତମାନସୁଦ୍ଧା ତେଲୁଗୁ ଓ ଇଂରାଜୀ ମାଧ୍ୟମର ଶିକ୍ଷକ ଲୋୟା କୁମାରୀ ଏହି ଭାଷା ଅନେକ ଛାତ୍ରୀଙ୍କୁ ଶିକ୍ଷା ଦେଇ ସାରିଲେଣି ।
ବ୍ୟୁରୋ ରିପୋର୍ଟ, ଇଟିଭି ଭାରତ
