ହାଇଦ୍ରାବାଦ: ଲକଡାଉନ ସମୟରେ ବନ୍ଦ ପଡିଛି ସମସ୍ତ ସ୍କୁଲ, କଲେଜ ଓ କୋଚିଂ କ୍ଲାସ । ଏମିତିରେ ଅନିର୍ଦ୍ଧିଷ୍ଟ ସମୟ ପାଇଁ ବନ୍ଦ ହୋଇଯାଇଛି ଛାତ୍ରଛାତ୍ରୀଙ୍କ ପାଠପଢା । ତେବେ ଏପରି ଘଡିସନ୍ଧି ମୁହୂର୍ତ୍ତରେ ଛାତ୍ରଛାତ୍ରୀଙ୍କୁ ଘରେ ବସି ପାଠ ପଢାଇବାକୁ ଅଣ୍ଟା ଭିଡିଛି ବାଇଜୁ । ଏଥିସହ ପିଲାମାନଙ୍କୁ ମାଗଣାରେ ଶିକ୍ଷାଦାନ କରିବା ପାଇଁ ଘୋଷଣା କରିଛି ବାଇଜୁ ।
ମଙ୍ଗଳବାର ଏନେଇ ବାଇଜୁ ବିଦ୍ଧିବଦ୍ଧ ଭାବେ ଘୋଷଣା କରିଥିବା ବେଳେ ଆସନ୍ତା ଏପ୍ରିଲ ମାସ 2 ତାରିଖରୁ ଆରମ୍ଭ ହେବ ଶିକ୍ଷାଦାନ । ସାରା ଦେଶରେ ପ୍ରଥମରୁ ଆରମ୍ଭ କରି ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ପିଲାମାନଙ୍କ ପାଇଁ ବାଇଜୁ ଏହି ସୁବିଧା ଯୋଗାଇବାକୁ ଯାଉଛି । ଆଗକୁ ବିଭିନ୍ନ ପରୀକ୍ଷା ଥିବା ବେଳେ ବାଇଜୁର ଏହି ପଦକ୍ଷେପ ଅନେକ ଛାତ୍ରଛାତ୍ରୀଙ୍କୁ ସାହାଯ୍ୟ ଯୋଗାଇବ ।
ତେବେ ଏହି ଆପ ସାହାଯ୍ୟରେ କିପରି ଛାତ୍ରଛାତ୍ରୀମାନେ ଘରେ ବସି ଲାଭ ପାଇପାରିବେ ସେଥିପାଇଁ ନିମ୍ନଲିଖିତ ଷ୍ଟେପ୍ସ ଫଲୋ କରନ୍ତୁ ।
#ଲର୍ଣ୍ଣ ଫ୍ରମ ହୋମୱାର୍କରୁ କିପରି ପଢିବେ:-
- ଆପରେ ଭିଡିଓ ସେସନ ଓ ଇଣ୍ଟରାକ୍ଟିଭ ସେସନ ଦ୍ବାରା କନସେପ୍ଟ ଦେଖନ୍ତୁ ଓ ବୁଝନ୍ତୁ ।
- ପ୍ରତିଦିନ ବାଇଜୁ ଶିକ୍ଷକମାନଙ୍କ ଦ୍ବାରା ହେଉଥିବା ଲାଇଭ କ୍ଲାସେସ ଆଟେଣ୍ଡ କରନ୍ତୁ । ଏଥିସହ ଥିବା ବିଭିନ୍ନ ଡାଉଟ ମଧ୍ୟ ଆପଣ ଏହି ସେସନରେ କ୍ଲିଅର କରିପାରିବେ ।
- ଏଥିରେ ଥିବା ବିଭିନ୍ନ ପ୍ରାକ୍ଟିସ ସେସନରେ ମଧ୍ୟ ଛାତ୍ରଛାତ୍ରୀମାନେ ଯୋଗ ଦେଇ ଦୈନିକ ଭାବେ ଘରେ ବସି ପଢିପାରିବେ ।
#ଲର୍ଣ୍ଣ ଫ୍ରମ ହୋମୱାର୍କର ଅନଲାଇନ କ୍ଲାସେସ ଆକ୍ସେସ ପାଇଁ ଆପଣାନ୍ତୁ ଏହି ଷ୍ଟେପ୍ସ:-
- ବାଇଜୁ ଆପ ଡାଉନଲୋଡ କରନ୍ତୁ । ଏହାପରେ ‘ଲାଇଭ କ୍ଲାସେସ’ ଟାଇଟଲରେ କ୍ଲିକ କରନ୍ତୁ ।
- ବର୍ତ୍ତମାନ ନିଜ ପସନ୍ଦର ବିଷୟ ଉପରେ କ୍ଲିକ କରନ୍ତୁ ଏବଂ ଫ୍ରି କ୍ଲାସ ଉପରେ କ୍ଲିକ କରନ୍ତୁ ।
- ଆପ ଦ୍ବାରା ରେକମେଣ୍ଡ ହୋଇଥିବା ବିଷୟ ଗୁଡିକ ଉପରେ କିଛି ପଢନ୍ତୁ ଏବଂ ଲାଇଭ କ୍ଲାସ ପାଇଁ ପ୍ରସ୍ତୁତ ହୁଅନ୍ତୁ ।
ତେବେ ଘରେ ବସି ସମୟର ସହୁପଯୋଗ ପାଇଁ ବାଇଜୁର ଏହି ପ୍ରୟାସ ସତରେ ପ୍ରଶଂସନୀୟ ।
