ହାଇଦ୍ରାବାଦ: ଦୈନନ୍ଦିନ ଜୀବନରେ ସିଗାରେଟ ଅଙ୍ଗାଅଙ୍ଗୀ ଭାବେ ଜଡିତ ହେବାକୁ ଲାଗିଲାଣି । ଅତ୍ୟଧିକ ଏହାର ବ୍ୟବହାର ମଲ୍ଟିନ୍ୟାସନାଲ କମ୍ପାନୀରେ ଲୋକେ ଏହାକୁ ବ୍ୟବହାର କରୁଥିବା ଜଣାପଡିଛି । ଆଉ ଏହାର ପରିଣାମ ଅତି ଭୟଙ୍କର ମଧ୍ୟ ହେଉଛି। ଯାହାକୁ ଆଖି ଆଗରେ ରଖି ଏକ କମ୍ପାନୀ ତାର କର୍ମଚାରୀଙ୍କୁ ଏହି ଧୂମ୍ରପାନ ଠାରୁ ଦୂରେଇ ରଖିବାକୁ ଏକ ଉପାୟ ବାଛିଛନ୍ତି।
କମ୍ପାନୀ ପକ୍ଷରୁ ଧୂମ୍ରପାନ କରୁଥିବା କର୍ମଚାରୀଙ୍କୁ କହିଛନ୍ତି ଯେ, ଯଦି ସେ ସିଗାରେଟର ବ୍ୟବହାରକୁ ପରିତ୍ୟାଗ କରିବେ ତେବେ ତାଙ୍କୁ କମ୍ପାନୀ ପକ୍ଷରୁ ବର୍ଷକୁ 4 ଦିନ ଅଧିକ ଛୁଟି ଦିଆଯିବ।
ଏକ ରିପୋର୍ଟ ଅନୁସାରେ, ଇଂଲଣ୍ଡର ଏକ କମ୍ପାନୀ କେସିଜେ(kcj) ଟ୍ରେନିଙ୍ଗ ଆଣ୍ଡ ଏମ୍ପଲଏମେଣ୍ଟ ସୋଲୁସନ ନିଜ କର୍ମଚାରୀଙ୍କୁ ସୁସ୍ଥ ରଖିବାକୁ ଏହି ଉପାୟ ଆପଣାଇଛନ୍ତି । କାରଣ କମ୍ପାନୀରେ ସିଗାରେଟ ବ୍ୟବହାର କରୁଥିବା ସମସ୍ତ କର୍ମଚାରୀ ରୋଗ ମୁକ୍ତ ରୁହନ୍ତୁ । ଆଉ ଧୂମ୍ରପାନ ନକରିବା କାରଣରୁ ଅଫିସରେ କାମ କରିବା ସମୟରେ ବ୍ରେକରେ କମ ବାହାରକୁ ଗଲେ ଅଫିସର କାମରେ ମଧ୍ୟ ବାଧା ସୃଷ୍ଟି ହେବ ନାହିଁ। ଫଳରେ ଅଫିସରେ କାର୍ଯ୍ୟ ମଧ୍ୟ ଭଲ ହେବ।
