ରାଞ୍ଚି: ରୋଗ ନିରାକରଣ ପାଇଁ ଯୋଗକୁ ଆପଣେଇଥିଲେ । ଆଉ ଏବେ 5ଥର ସ୍ବର୍ଣ୍ଣ ପଦକ ହାତେଇ ସାରିଲେଣି ଝାଡ଼ଖଣ୍ତର ଅନୁଷ୍କା କର୍ମକାର । ନିକଟରେ କୋଡରମାରେ ହେବାକୁ ଥିବା ଅଷ୍ଟାଦଶ ରାଜ୍ୟ ଯୋଗ ଚାମ୍ପିଅନସିପରେ ଅଂଶ ଗ୍ରହଣ କରୁଛନ୍ତି । ଏହା ପୂର୍ବରୁ ସେ ଏସିଆ ଯୋଗ ଚାମ୍ପିଅନସିପରେ ପାଞ୍ଚଥର ସ୍ବର୍ଣ୍ଣ ପଦକ ହାତେଇ ସାରିଛନ୍ତି ।
ମିଳିଥିବା ସୂଚନା ମୁତାବକ 15 ବର୍ଷୀୟ ଅନୁଷ୍କା ପିଲାଦିନେ ଶ୍ବାସ ରୋଗରେ ପୀଡ଼ିତ ଥିଲେ । ଏଥିରୁ ମୁକ୍ତି ପାଇବା ପାଇଁ ଯୋଗ କରିବା ପାଇଁ ଡାକ୍ତର ତାଙ୍କୁ ପରାମର୍ଶ ଦେଇଥିଲେ । ଫଳରେ ପରାମର୍ଶ ମାନି ସେ ଯୋଗ କରିବା ଆରମ୍ଭ କରିଦେଇଥିଲେ । ପରେ ସେ ରୋଗରୁ ତ ମୁକ୍ତି ପାଇଗଲେ, ଏହା ସହିତ ଜାତୀୟ ଓ ଅନ୍ତର୍ଜାତୀୟ ସ୍ତରରେ ମଧ୍ୟ ଯୋଗ ମାଧ୍ୟମରେ ବେଶ ନାଁ କମାଇଛନ୍ତି ।
କଠିନ ପରିଶ୍ରମ ଓ ନିଷ୍ଠା ବଳରେ ସେ ଅନ୍ତର୍ଜାତୀୟ ସ୍ତରରେ ମଧ୍ୟ ଯୋଗ କରି ସ୍ବର୍ଣ୍ଣ ପଦକ ହାତେଇଛନ୍ତି । ରାଷ୍ଟ୍ରୀୟ ପୁରସ୍କାର ବ୍ୟତୀତ ଅନୁଷ୍କା ଏସିୟାନ ଯୋଗ ସ୍ପୋର୍ଟ୍ସ ଚାମ୍ପିଅନସିପରେ ପାଞ୍ଚଟି ଭିନ୍ନ ଭିନ୍ନ କାଟାଗୋରୀରେ ସ୍ବର୍ଣ୍ଣ ପଦକ ମଧ୍ୟ ହାତେଇଛନ୍ତି । ଅନୁଷ୍କା ଯୋଗ ଚାମ୍ପିଅନସିପରେ ଆସନ, ଆର୍ଟିଷ୍ଟିକ ଯୋଗ, ସୋଲୋ, ଆର୍ଟିଷ୍ଟିକ ପେୟର ଏବଂ ଫ୍ରି ଫ୍ଲୋ ଯୋଗାସନରେ ପଦକ ହାତେଇଛନ୍ତି ।
ଏନେଇ ଅନୁଷ୍କା କହିଛନ୍ତି ଯୋଗ କେବଳ ମାନସିକ ଓ ଶାରିରୀକ କ୍ଷେତ୍ରରେ ମଝଭୁତ କରିନଥାଏ, ବରଂ ଜଟିଳ ରୋଗର ମଧ୍ୟ ଚିକିତ୍ସାର ମାଧ୍ୟମ ପାଲଟିଛି । ଯୋଗ ମାଧ୍ୟମରେ ସବୁକିଛି ସମ୍ଭବ । ନିୟମିତ ଅଭ୍ୟାସ ଏବଂ କଠିନ ପରିଶ୍ରମ ବଳରେ ଯୋଗର କୌଣସି ବର୍ଗରେ ମଧ୍ୟ ସଫଳତା ହାସଲ କରିହେବ ବୋଲି ସେ କହିଥିଲେ ।
