ନୂଆଦିଲ୍ଲୀ: କୃଷି ଆଇନକୁ ବିରୋଧ କରି ଫେବୃଆରୀ 6ରେ ସାରାଦେଶରେ ଚକା ଜାମ କରିବେ ଚାଷୀ । ଏନେଇ କୃଷକ ସଙ୍ଗଠନ ପକ୍ଷରୁ କୁହାଯାଇଛି । ଉଭୟ ଜାତୀୟ ଓ ରାଜ୍ୟ ରାଜପଥ ଫେବୃଆରୀ 6 ତାରିଖରେ ବନ୍ଦ କରାଯିବ ବୋଲି କୃଷକ ସଙ୍ଗଠନ ନିଷ୍ପତ୍ତି ନେଇଛି । ଏନେଇ ସୋମବାର ଭାରତୀୟ କିଶାନ ମୋର୍ଚ୍ଚାର ସଭାପତି ବଲବୀର ସିଂ ରାଜେୱାଲ କହିଛନ୍ତି ।
ଫେବୃଆରୀ 6 ତାରିଖରେ ମଧ୍ୟାହ୍ନ 12ଟାରୁ ଅପରାହ୍ନ 3ଟା ଯାଏ ଜାତୀୟ ଓ ରାଜ୍ୟ ରାଜପଥକୁ ବନ୍ଦ କରାଯିବ ବୋଲି ସେ କହିଛନ୍ତି । ଆମେ ତିନୋଟି ଆଇନ ଫେରାଇ ନେବାକୁ ଏହି ଆନ୍ଦୋଳନ କରୁଛୁ ବୋଲି ସେ କହିଛନ୍ତି । ସେପଟେ ଆଜି ସରକାର ଓ କୃଷକ ସଙ୍ଗଠନ ମଧ୍ୟରେ ଆଲୋଚନା ହେବ ।
ସୂଚନାଥାଉକି, କୃଷି ଆଇନକୁ ବିରୋଧ କରି ନଭେମ୍ବର 26 ତାରିଖରୁ ଦିଲ୍ଲୀ ସୀମାରେ ଚାଷୀମାନେ ଆନ୍ଦୋଳନ କରୁଛନ୍ତି । ଅନ୍ୟପଟେ ଜାନୁଆରୀ 26 ତାରିଖରେ ଦିଲ୍ଲୀରେ ହୋଇଥିବା ହିଂସା ପାଇଁ ଗିରଫ ହୋଇଥିବା 128 ଜଣଙ୍କୁ ଆଇନଗତ ସୁବିଧା ଦେବାକୁ ସାମ୍ମୁଖ୍ୟ କିଶାନ ମୋର୍ଚ୍ଚା ପକ୍ଷରୁ ଏକ କମିଟି ଗଠନ କରାଯାଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
