ଅମରାବତୀ:ଆନ୍ଧ୍ରପ୍ରଦେଶର କ୍ରିଷ୍ଣା ଜିଲ୍ଲାରେ ବଡ ଅଘଟଣ । ସହରର ଉପକଣ୍ଠର ସୁରମାପଲ୍ଲୀ ଅଞ୍ଚଳରେ ଥିବା ଏକ ପ୍ଲାଏଉଡ ଫ୍ୟାକ୍ଟ୍ରି ନିକଟରେ ବଡ ଧରଣର ବିସ୍ଫୋରଣ । ଏହି ଦୁର୍ଘଟଣାରେ 2 ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି ।
ପ୍ଲାଏଉଡ ଫ୍ୟାକ୍ଟ୍ରିରେ ବିସ୍ଫୋରଣ, ବାପା-ପୁଅ ମୃତ
ଅଗ୍ନିକାଣ୍ଡରେ ମୃତକ 2 ଜଣ ଓ୍ବାମ୍ବେ କଲୋନୀର କୋଟେଶ୍ବରର ରାଓ ଏବଂ ଚିନ୍ନା ରାଓ ବୋଲି ଜଣାପଡିଛି । ଏମାନେ 2 ଜଣ ସମ୍ପର୍କରେ ବାପା ପୁଅ । ଅଟୋରେ ରାସାୟନିକ ପଦାର୍ଥ ଥିବା ପାତ୍ରକୁ ନେଇ ଯିବା ବେଳେ ଏକ ବଡ଼ ବିସ୍ଫୋରଣ ହୋଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାର କାରଣ ଅନୁସନ୍ଧାନ କରୁଛି । ଘଟଣାର କାରଣ ସମ୍ପର୍କରେ 40 ଜଣିଆ ପୋଲିସ ଟିମ ଦଦନ୍ତ କରୁଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
