ନୂଆଦିଲ୍ଲୀ: ଚନ୍ଦ୍ରଯାନ-2, ସମ୍ପୂର୍ଣ୍ଣ ସଫଳ ନୁହେଁ କି ବିଫଳ ବି ନୁହେଁ । ବିକ୍ରମ ଲ୍ୟାଣ୍ଡର ସଫ୍ଟ ଲ୍ୟାଣ୍ଡିଂ କରିବାରେ ଫେଲ ମାରିଛି ସତ, କିନ୍ତୁ ଆଗାମୀ 7ବର୍ଷ ଯାଏ ଚନ୍ଦ୍ର ବିଷୟରେ ତଥ୍ୟ ପ୍ରଦାନ କରିବ ଅର୍ବିଟର । ତେଣୁ ଏହାକୁ ପ୍ରଥମେ ଭାରତୀୟ ବୈଜ୍ଞାନିକ 95 ପ୍ରତିଶତ ସଫଳ ହୋଇଥିବା କହିଥିଲେ । କିନ୍ତୁ ପରେ ଏହି ମିଶନ 98 ପ୍ରତିଶତ ସଫଳ ହୋଇଛି ବୋଲି କହିଛନ୍ତି । କିନ୍ତୁ ଇସ୍ରୋ ଅଧ୍ୟକ୍ଷଙ୍କ ଏହି ଆକଳନକୁ ନେଇ ଦେଶର ବିଭିନ୍ନ ବୈଜ୍ଞାନିକ ଏବେ ପରିହାସ କରିଛନ୍ତି ।
ସୋସିଆଲ ମିଡିଆରେ ଇସ୍ରୋ ନେତୃତ୍ବ ଓ ରକେଟ ସାଇନ୍ସ ଉପରେ ଲେଖି ଜଣେ ବୈଜ୍ଞାନିକଙ୍କ କହିଛନ୍ତି, ‘ବର୍ତ୍ତମାନ ବିକ୍ରମ ଲ୍ୟାଣ୍ଡର ସଫ୍ଟ ଲ୍ୟାଣ୍ଡିଂ ନ କରି ବାଡେଇ ହୋଇ ପଡିଛି । ଆଉ ଏହାସହ ଯୋଗଯୋଗ କରିବା ମଧ୍ୟ ସମ୍ଭବ ନୁହେଁ ବୋଲି ଇସ୍ରୋ ପକ୍ଷରୁ ସୂଚନା ମିଳିଛି । ତେଣୁ ବିନା କୌଣସି ଗମ୍ଭୀର ଆତ୍ମନୀରିକ୍ଷଣରେ ଏପରି ବୟାନ ଦେବା ଦୁନିଆ ଆଗରେ ଲୋକହସା ହେବା ସହ ସମାନ ବୋଲି ସେ କହିଛନ୍ତି ।
