ନୂଆଦିଲ୍ଲୀ: ବରିଷ୍ଠ କଂଗ୍ରେସ ନେତା ସୋମେନ ମିତ୍ରଙ୍କ ଦେହାନ୍ତରେ ସମବେଦନା ଜଣାଇଲେ ମନମୋହନ ସିଂ । ଗୁରୁବାର ସକାଳେ କୋଲକାତା ମେଡିକାଲରେ ମୃତ୍ୟୁବରଣ କରିଥିବା ବରିଷ୍ଠ କଂଗ୍ରେସ ନେତା ସୋମେନ ମିତ୍ରଙ୍କୁ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ସମବେଦନା ଜଣାଇଛନ୍ତି।
ମିତ୍ରଙ୍କ ପତ୍ନୀ ଶିକା ମିତ୍ରଙ୍କୁ ସମ୍ବୋଧିତ କରି ଏକ ଚିଠିରେ ସିଂ ମନମୋହନ ସିଂ ଲେଖିଛନ୍ତି, ମୁଁ ଆଜି ତୁମ ପ୍ରିୟ ସ୍ୱାମୀ ସୋମେନ ମିତ୍ରଙ୍କ ମୃତ୍ୟୁର ଖବର ପାଇଲି । ସେ ଜଣେ ଉଚ୍ଚ ସମ୍ମାନର ନେତା ଥିଲେ ଯାହାଙ୍କୁ ପାର୍ଟିରେ ସମସ୍ତେ ସମ୍ମାନ ଜଣାଉଥିଲେ ।
ଏଥିସହ ମନମୋହନ ସିଂ ମିତ୍ରଙ୍କ ରାଜନୈତିକ ଯାତ୍ରା ବିଷୟରେ ବର୍ଣ୍ଣନା କରି ଲେଖିଛନ୍ତି, ସେ ପଶ୍ଚିମବଙ୍ଗ କଂଗ୍ରେସ କମିଟିର ସଭାପତି ଭାବରେ କାର୍ଯ୍ୟ କରୁଥିଲେ। ସେ ଜଣେ ମହାନ ସାଂସଦ ଏବଂ ସିଆୟଦହ ବିଧାନସଭା ନିର୍ବାଚନମଣ୍ଡଳୀରୁ 7 ଥର ବିଧାୟକ ହୋଇଥିଲେ। ତାଙ୍କ ମୃତ୍ୟୁରେ ପଶ୍ଚିମବଙ୍ଗ ଜଣେ ସମ୍ମାନିତ ତଥା ଉତ୍ସର୍ଗୀକୃତ ନେତାଙ୍କୁ ହରାଇଛି।
