ଶ୍ରୀନଗର: ଜମ୍ମୁ କଶ୍ମୀର ରାଜନୀତିରେ ଏଣ୍ଟ୍ରି କଲା ନୂଆ ଦଳ । ରାଜ୍ୟର ପୂର୍ବତନ ଆଇଏଏସ ଅଧିକାରୀ ଶାହ ଫୈଜଲ ଗଢିଛନ୍ତି ନୂଆ ରାଜନୈତିକ ଦଳ । ଦଳର ନାଁ ରଖିଛନ୍ତି ଜମ୍ମୁ କଶ୍ମୀର ପିପୁଲ୍ସ ମୁଭମେଣ୍ଟ ।
ବିଗତ ଦିନରେ ଫୈଜଲ ଭାରତୀୟ ପ୍ରଶାସନିକ ସେବାରୁ ଇସ୍ତଫା ଦେଇଥିଲେ । ସେ ୨୦୧୦ ସିଭିଲ ସେବା ପରୀକ୍ଷାରେ ଟପ୍ କରିଥିଲେ । କଶ୍ମୀରରେ କଥିତ ହତ୍ୟା ଓ ଏହି ମାମଲାରେ କେନ୍ଦ୍ର ସରକାରଙ୍କ ତରଫରୁ କୌଣସି ଦୃଢ ପଦକ୍ଷେପ ନ ନିଆଯିବାରୁ ଅଭିଯୋଗ ଆଣି ପ୍ରଶାସନିକ ସେବାରୁ ସେ ଇସ୍ତଫା ଦେଇଥିଲେ ।
ଫୈଜଲଙ୍କ ଇସ୍ତଫା ପରେ ଦେଶରେ ଚର୍ଚ୍ଚା ଆରମ୍ଭ ହୋଇଯାଇଥିଲା । ଏହାସହ ରାଜନୈତିକ ବୟାନବାଜୀ ଆରମ୍ଭ ହୋଇଯାଇଥିଲା । ବରିଷ୍ଠ କଂଗ୍ରେସ ନେତା ତାଙ୍କ ଇସ୍ତଫାକୁ ନେଇ ମୋଦି ସରକାରଙ୍କୁ ଟାର୍ଗେଟ କରିଥିଲେ ।
