ନୂଆଦିଲ୍ଲୀ: ଭାରତୀୟ ବାୟୁ ସେନାର ଅତ୍ୟାଧୁନିକ ହେଲିକପ୍ଟର ଚିନୁକ ଉଦୟପୁରରେ ଜରୁରୀକାଳୀନ ଅବତରଣ କରିଛି । ହେଲିକପ୍ଟରଟି ଉଡାଣ ଭରୁଥିବା ସମୟରେ ହଠାତ ତେଲ ଶେଷ ହୋଇଯାଇଥିଲା । ଫଳରେ ଚିନୁକକୁ ଉଦୟପୁରର ଡବୋକ ବିମାନ ବନ୍ଦରରେ ଜରୁରୀକାଳୀନ ଅବତରଣ କରିବାକୁ ପଡିଥିଲା । ତେବେ ତେଲ ଭରିବା ପରେ ପୁଣିଥରେ ଉଡାଣ ଭରିବାରେ ସକ୍ଷମ ହୋଇଥିଲା ଚିନୁକ ।
ହେଲିକପ୍ଟର ଚିନୁକ
ସୂଚନା ମୁତାବକ, ଚିନୁକ ହେଲିକପ୍ଟର ଅଭ୍ୟାସ କରୁଥିବା ସମୟରେ ହଠାତ ଏହାର ତେଲ ଶେଷ ହୋଇଯାଇଥିବା ଜଣା ପଡିଥିଲା । ଏହାପରେ ହେଲିକପ୍ଟରର ପାଇଲଟ ନିକଟସ୍ଥ ଉଦୟପୁରର ଡବୋକ ବିମାନ ବନ୍ଦରର ଅଧିକାରୀଙ୍କ ସହ ସମ୍ପର୍କ କରିଥିଲେ ଏବଂ ବିମାନକୁ ଜରୁରୀକାଳୀନ ଅବତରଣ କରିଥିଲେ ।
ଚିନୁକ ହେଲିକେପ୍ଟର ଉଭୟ ଦିନରାତି ଓ ପ୍ରତିକୂଳ ପାଗରେ ଲକ୍ଷ୍ୟଭେଦ କରିବାର କ୍ଷମତା ରଖୁଛି । ଏହାକୁ ପୁଲୱାମା ଏୟାର ଷ୍ଟ୍ରାଇକରେ ବ୍ୟବହାର କରାଯାଇଥିଲା ।
