ଗାନ୍ଧୀନଗର: ଗୁଜୁରାଟର ଭଦୋଦରାରେ ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାରେ 11ଜଣ ଆଖି ବୁଜିଥିବା ବେଳେ 17ଜଣ ଗୁରୁତର ଭାବରେ ଆହତ ହୋଇଛନ୍ତି ।
ଗୁଜୁରାଟର ଭଦୋଦରାରେ ମର୍ମନ୍ତୁଦ ଦୁର୍ଘଟଣା, 11 ମୃତ, 17 ଆହତ
ବୁଧବାର ସକାଳୁ ସୁରଟରୁ ପାବାଗଡ ଆସୁଥିବା ଗୋଟିଏ ଟ୍ରକ ଗୋଟିଏ ଟେମ୍ପୋକୁ ଧକ୍କା ଦେଇଥିଲା । ଫଳରେ ଟେମ୍ପୋଟି ରାସ୍ତା ତଳକୁ ଖସି ପଡିଥିଲା । ଦୁର୍ଘଟଣାରେ 11ଜଣଙ୍କର ମୃତ୍ୟୁ ହୋଇଥିବା ବେଳେ 11ଜଣ ଗୁରୁତର ଭାବରେ ଆହତ ହୋଇଛନ୍ତି । ଆହତମାନଙ୍କୁ ଭଦୋଦରାର ଏସଏସଜି ଡାକ୍ତରଖାନାରେ ଭର୍ତ୍ତି କରାଯାଇଛି ।
ମୃତ 11ଜଣଙ୍କ ମଧ୍ୟରେ ଜଣେ ଶିଶୁ, ତିନିଜଣ ପୁରୁଷ ରହିଥିବା ବେଳେ ପାଞ୍ଚଜଣ ମହିଳା ରହିଛନ୍ତି । ଭଡଦୋଦରା ଜିଲ୍ଲାପାଳ ଶାଲିନୀ ଅଗ୍ରୱାଲ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ଦୁର୍ଘଟଣାରେ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଚି ହୋଇଛି ।
ନିଜ ଗୃହ ରାଜ୍ୟରେ ଏପରି ଅଭାବନୀୟ ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଧମେନ୍ଦ୍ର ପ୍ରଧାନ ଶୋକ ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
