ଇଟାନଗର: ପୁଣି ଭୂକମ୍ପ ଝଟକାରେ ଥରିଲା ଅରୁଣାଚଳ ପ୍ରଦେଶ । ଶନିବାର ସକାଳ ପ୍ରାୟ 4 ଟା 24 ମିନିଟ ସମୟରେ ଅରୁଣାଚଳ ପ୍ରଦେଶର ପୂର୍ବ କାମେଂଗରେ ଏହି ଭୂକମ୍ପ ଝଟକା ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା 5.5 ଥିଲା । ତେବେ ଏଥିରେ କୌଣସି କ୍ଷୟକ୍ଷତି ହୋଇନଥିବା ସୂଚନା ରହିଛି ।
ଏହା ପୂର୍ବରୁ ମଧ୍ୟ ଶୁକ୍ରବାର ଅରୁଣାଚଳ ପ୍ରଦେଶ ସମେତ ଆସାମ ଏବଂ କେତେକ ଉତ୍ତର-ପୂର୍ବ ରାଜ୍ୟରେ ଭୂକମ୍ପ ଅନୁଭୂତ ହୋଇଥିଲା । 30 ମିନିଟ ମଧ୍ୟରେ ଲଗାତାର 3 ଥର ଭୂକମ୍ପ ହୋଇଥିଲା । ପ୍ରଥମ ଭୂକମ୍ପ ଅପରାହ୍ନ ପ୍ରାୟ ୨ଟା ୫୧ରେ ଅନୁଭୂତ ହୋଇଥିବାବେଳେ ଦ୍ବିତୀୟଟି 3 ଟା 4 ମିନିଟ ଏବଂ ତୃତୀୟଟି 3 ଟା 21 ମିନିଟ ସମୟରେ ଅନୁଭୂତ ହୋଇଥିଲା ।
