ନୂଆଦିଲ୍ଲୀ: ପ୍ରଧାନମନ୍ତ୍ରୀଙ୍କ ନାଗରିକ ସହାୟତା ଏବଂ ଜରୁରୀକାଳୀନ ପରିସ୍ଥିତିରେ ରିଲିଫ(PM CARES)ପାଣ୍ଠିକୁ ନେଇ ବିଭିନ୍ନ ବିବାଦ ଉଠିଛି । ଏ ପ୍ରସଙ୍ଗରେ କଂଗ୍ରେସର ବରିଷ୍ଠ ନେତା ପି ଚିଦାମ୍ବରମ୍ କହିଛନ୍ତି ଯେ ସୁପ୍ରିମକୋର୍ଟଙ୍କ ଆଦେଶ ଚୂଡାନ୍ତ ନିଷ୍ପତ୍ତି ହୋଇଥିବା ବେଳେ ଏହାକୁ ନେଇ ଦୀର୍ଘ ପ୍ରକ୍ରିୟା ଚାଲିବ । ଏନେଇ ଚିଦାମ୍ବରମ ଟ୍ବିଟରରେ ଉଲ୍ଲେଖ କରିଛନ୍ତି । ଚିଦାମ୍ବରମ୍ ପିଏମ କେୟାର ଫଣ୍ଡକୁ ନେଇ ସୁପ୍ରିମକୋର୍ଟରେ ଆଗତ ପିଟିସନ ସଂପର୍କରେ ଉଲ୍ଲେଖ କରି ସେ ଏହା ପ୍ରକାଶ କରିଛନ୍ତି ।
ସେ ଟ୍ୱିଟରରେ ଉଲ୍ଲେଖ କରି କହିଛନ୍ତି ଯେ, ସ୍ୱଚ୍ଛତା, ତଥ୍ୟର ପରିପ୍ରକାଶ ତଥା ପରିଚାଳନା ଗତ ଦିଗ ଭଳି ବିଭିନ୍ନ ପ୍ରସଙ୍ଗ ରହିଛି । ତେଣୁ ସୁପ୍ରିମକୋର୍ଟଙ୍କ ରାୟ ପ୍ରକାଶ ହେବାର କୌଣସି ସୁଯୋଗ ନାହିଁ ବୋଲି ସେ ଉଲ୍ଲେଖ କରିଛନ୍ତି । ପିଏମ କେୟାର୍ସ ଫଣ୍ଡର ବୈଧତା ତଥା ଆଇନଗତ ଉତ୍ତରଦାୟିତ୍ୱ ଉପରେ ସୁପ୍ରିମକୋର୍ଟ ଏକ ରାୟ ଦେଇଛନ୍ତି । ଏହି ନିଷ୍ପତ୍ତି ଚୂଡାନ୍ତ କିନ୍ତୁ ଦୀର୍ଘ ଦିନ ଧରି ଏକାଡେମିକ୍ ସର୍କଲରେ ପ୍ରତିଦ୍ୱନ୍ଦ୍ୱିତାର କାରଣ ହେବ ବୋଲି ଚିଦାମ୍ବରମ କହିଛନ୍ତି ।
ଏହା ସହ ପାଣ୍ଠି ଘୋଷଣା ହେବାର ପ୍ରଥମ 5 ଦିନରେ କିଏ 3ହଜାର 76 କୋଟି ପ୍ରଦାନ କରିଛନ୍ତି ବୋଲି ଚିଦାମ୍ବରମ ପ୍ରଶ୍ନ ଉଠାଇଛନ୍ତି । ଏହି ଦାତାମାନେ ଚୀନର ବିଭିନ୍ନ କମ୍ପାନୀ ଗୁଡିକ କି ନାହିଁ ବୋଲି ପ୍ରଶ୍ନ କରିଥିଲେ। ଅପରପକ୍ଷେ କୋରୋନା ପାଣ୍ଠିରି ଟଙ୍କା ଆବଣ୍ଟନ କରିବାର ପ୍ରକ୍ରିୟା କ’ଣ? ଆରମ୍ଭରୁ ଏହି ପାଣ୍ଠିରୁ ଟଙ୍କା କାହାକୁ ପ୍ରଦାନ କରାଯାଇଛି ବୋଲି ସେ ପ୍ରଶ୍ନ ଉଠାଇଛନ୍ତି । ଯଦି ଏହି ପାଣ୍ଠି ଆରଟିଆଇର ପରିସର ବାହାରେ, ତେବେ ଏହି ପ୍ରଶ୍ନର ଉତ୍ତର କିଏ ଦେବ? ବୋଲି ସେ କହିଛନ୍ତି ।
ପିଏମ କେୟାର୍ସ ଫଣ୍ଡରୁ ଜାତୀୟ ବିପର୍ଯ୍ୟୟ ମୁକାବିଲା ପାଣ୍ଠିକୁ ଅର୍ଥ ହସ୍ତାନ୍ତର କରିବାକୁ ନିର୍ଦ୍ଦେଶ ଦେବାକୁ ମନା କରିଦେଇଛନ୍ତି ସୁପ୍ରିମକୋର୍ଟ । ଏହା ଦୁଇଟି ଭିନ୍ନ ଭିନ୍ନ ପାଣ୍ଠି ହୋଇଥିବାରୁ ସେମାନଙ୍କ ଲକ୍ଷ୍ୟ ଓ ଉଦ୍ଦେଶ୍ୟ ଭିନ୍ନ ବୋଲି ସର୍ବୋଚ୍ଚ ଅଦାଲତ ପ୍ରକାଶ କରିଛନ୍ତି ।
@ANI
