ଚେନ୍ନାଇ: ଆଜି ପୂର୍ବତନ ମୁଖ୍ୟମନ୍ତ୍ରୀ ଏକ.କରୁଣାନିଧିଙ୍କ ଦ୍ବିତୀୟ ଶ୍ରାଦ୍ଧବାର୍ଷିକୀ । ଭାରତୀୟ ରାଜନୀତିର ପିତାମହଙ୍କ ଶ୍ରାଦ୍ଧବାର୍ଷିକୀରେ ଶ୍ରଦ୍ଧାଞ୍ଜଳି ଜଣାଇଲେ ଡିଏମକେ ସଭାପତି ତଥା ପୁଅ ଏମକେ ଷ୍ଟାଲିନ ଓ ଝିଅ ତଥା ଦଳର ସାଂସଦ କାନିମୋଝୀ ।
ଦକ୍ଷିଣ ଭାରତର ରାଜନୀତିରେ ଏକ ଭିନ୍ନ ସ୍ଥାନ କରିଥିଲେ ଡିଏମକେ ସୁପ୍ରିମୋ ଏମ. କରୁଣାନିଧି । 2018 ମସିହା ଆଜିର ତାରିଖରେ ତାଙ୍କର ଦେହାନ୍ତ ହୋଇଥିଲା । ମୃତ୍ୟୁବେଳକୁ ତାଙ୍କୁ 94 ବର୍ଷ ହୋଇଥିଲା । ଭାରତ ରାଜନୀତିରେ ସେ କେବଳ ପିତାମହ ନଥିଲେ ବରଂ ଜଣେ ଅପରାଜେୟ ରାଜନେତା ମଧ୍ୟ ଥିଲେ । ଦକ୍ଷିଣ ଭାରତର ରାଜନୀତିରେ ଏକ ନୂତନ ଇତିହାସ ସୃଷ୍ଟି କରିଥିଲେ କରୁଣାନିଧି । ଜଣେ ଅପରାଜେୟ ନେତା ଭାବେ 5 ଥର ମୁଖ୍ୟମନ୍ତ୍ରୀ ହେବା ସହ 13 ଥର ସେ ବିଧାନସଭାର ସଦସ୍ୟ ରହିଥିଲେ । ଯେ କୌଣସି ସିଟରେ ସେ ନିର୍ବାଚନ ଲଢିଛନ୍ତି, ସେଥିରେ ସେ ବିଜୟ ହୋଇଥିଲେ ।
ଠିକ 52 ବର୍ଷ ପୂର୍ବରୁ 26 ଜୁଲାଇରେ ଡିଏମକେ ଦଳର ପ୍ରତିନିଧିତ୍ବ କରିଥିଲେ ଏହି ଅପରାଜେୟ ନେତା । ପ୍ରଥମ ଥର ରାଜ୍ୟର ମୁଖ୍ୟମନ୍ତ୍ରୀ ଭାବେ 1969ରେ ଦାୟିତ୍ବ ସମ୍ଭାଳିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
