ଯୋଧପୁର: କୃଷ୍ଣସାର ମୃଗ ଶିକାର ମାମଲାରେ ଶିକାର ଏବଂ ଆର୍ମସ୍ ଆକ୍ଟ ମାମଲାର ଶୁଣାଣି ସମୟରେ ବଲିଉଡ ଅଭିନେତା ସଲମାନ ଖାନଙ୍କୁ କୋର୍ଟରେ ହାଜର ହେବାକୁ ସୋମବାର ନିର୍ଦ୍ଦେଶ ଦେଇଛନ୍ତି ଯୋଧପୁର କୋର୍ଟ । ତେବେ ଏହି ମାମଲାର ପରବର୍ତ୍ତୀ ଶୁଣାଣି ସେପ୍ଟେମ୍ବର 28ରେ ହେବ ।
ସଲମାନ ଖାନଙ୍କ ବିରୋଧରେ ଆର୍ମସ୍ ଆକ୍ଟର ଏକ ମାମଲା ରୁଜୁ ହୋଇଥିଲା। ଯେଉଁଥିରେ ସିଜେଏମ କୋର୍ଟ ସୁପରଷ୍ଟାରଙ୍କୁ ନିର୍ଦ୍ଦୋଷରେ ଖଲାସ କରିଥିଲେ । ସିଜେଏମ କୋର୍ଟଙ୍କ ନିଷ୍ପତ୍ତି ବିରୋଧରେ ରାଜ୍ୟ ସରକାର ଯୋଧପୁର ଜିଲ୍ଲାରେ ଏକ ଆବେଦନ କରିଥିଲେ ।
ସଲମାନଙ୍କ ପକ୍ଷରୁ ଏକ ଆବେଦନ ଜିଲ୍ଲା ତଥା ସେସନ୍ କୋର୍ଟ, ଯୋଧପୁରରେ ମଧ୍ୟ ଦାଖଲ କରାଯାଇଥିଲା । ଏହି ଶୁଣାଣି ସମୟରେ ଯୋଧପୁର ଜିଲ୍ଲା କୋର୍ଟର ବିଚାରପତି ରାଜେନ୍ଦ୍ର କସୱାଲ ସୁପରଷ୍ଟାରଙ୍କ ଅନୁପସ୍ଥିତିର କାରଣ ପଚାରିଥିଲେ । ତେବେ ସଲମାନ ମହାମାରୀ କୋରୋନା କାରଣରୁ କୋର୍ଟରେ ହାଜର ହେବାକୁ ଅସମର୍ଥ ଥିବା ତାଙ୍କ ଆଇନଜୀବୀ କହିଛନ୍ତି ।
